Փետրվարի 19-ին տեղի ունեցավ ԼՂՀ հանրաքվեի կենտրոնական հանձնաժողովի նախագահ Սրբուհի Արզումանյանի հանդիպումը Հայ Դատի Եվրոպայի հանձնախմբի անդամների հետ՝ հանձնախմբի նախագահ Գասպար Կարապետյանի գլխավորությամբ։
Փետրվարի 20-ին, առավոտյան ժամը 8-ին, Արցախի Հանրապետությունում տրվեց Սահմանադրության հանրաքվեի մեկնարկը:
Սահմանադրության հանրաքվեին դիտորդական առաքելությամբ Արցախ ժամանած պատվիրակությունների խմբում նաեւ Բոլիվիայի Պատգամավորների պալատի պատվիրակությունն էր, որի կազմում պատգամավորներ Նելլի Լենսը, Ալիսիա Կանկիին, Մարիո Միտան եւ աշխատակազմի ներկայացուցիչ Սանդրա Կիրոսն են:
ԼՂՀ հանրաքվեի կենտրոնական հանձնաժողովի նախագահ Սրբուհի Արզումանյանի ճեպազրույցը Փետրվարի 20-ին ժամը 9.00-ին ԼՂՀ հանրաքվեի կենտրոնական հանձնաժողովի մամուլի կենտրոնում տեղի ունեցավ ԼՂՀ ՀԿՀ նախագահ Սրբուհի Արզումանյանի առաջին ճեպազրույցը՝ զանգվածային լրատվամիջոցների ներկայացուցիչների հետ։