ՄԵՐ ԵՐԵԽԱՆԵՐԸ ՄՐՑԱՇԱՐԻՑ ՎԵՐԱԴԱՐՁԱՆ ՀԱՂԹԱՆԱԿՈՎ
ՙԱԱ՚
Նոյեմբերի 29-ից դեկտեմբերի 2-ը Երևանում անցկացվեց սեղանի թենիսի միջազգային մրցաշար՝ նվիրված ԽՍՀՄ վաստակավոր մարզիչ Համլետ Հակոբյանին։ Մրցաշարին իրենց մասնակցությունն են բերել նաև Արցախի երեխաները՝ կրտսեր տարիքային խմբում։
Մրցաշարում Անգելինա Մկրտչյանը (Ստեփանակերտի թ. 2 դպրոց) զբաղեցրել է առաջին, իսկ Մարիա Կարապետյանը (Ստեփանակերտի թ. 1 դպրոց) երրորդ տեղը։
Այս երկու մարզիկներն էլ կամավոր ֆիզկուլտուրայի մարզական կենտրոնի սաներն են (մարզիչ՝ սպորտի վաստակավոր վարպետ Իրինա Մարգարյան)։
Աջակցության համար մարզիչն իր երախտագիտությունն է հայտնում կրթության, գիտության և սպորտի նախարարի տեղակալ Աշոտ Դանիելյանին և Սեղանի թենիսի ֆեդերացիայի նախագահ Գրիգորի Առաքելյանին։