comintour.net
stroidom-shop.ru
obystroy.com
Items filtered by date: Կիրակի, 03 Մարտի 2019 http://www.artsakhtert.com Mon, 22 Jul 2019 12:26:04 +0000 Joomla! - Open Source Content Management hy-am ՙԻՄ ԵՐԿԱՐԱՏԵՎ ԿՅԱՆՔԻ ԸՆԹԱՑՔՈՒՄ ՓՈԽՎԵԼ ԵՄ ՆԱԵՎ ՆԵՐՔԻՆ ԷՈՒԹՅԱՄԲ...՚ http://www.artsakhtert.com/arm/index.php/carriage/item/26190-2019-03-04-17-17-11 http://www.artsakhtert.com/arm/index.php/carriage/item/26190-2019-03-04-17-17-11 ՙԻՄ ԵՐԿԱՐԱՏԵՎ ԿՅԱՆՔԻ ԸՆԹԱՑՔՈՒՄ ՓՈԽՎԵԼ ԵՄ ՆԱԵՎ ՆԵՐՔԻՆ ԷՈՒԹՅԱՄԲ...՚
Էվիկա ԲԱԲԱՅԱՆ

 Հասարակության մեջ մարդու դերն ու նշանակությունը չափվում են ոչ թե զբաղեցրած պաշտոնով, շքանշաններով, այլև նրանով, թե որքանով է շրջապատը համակրում նրան, ինչ է նա անում։ Սա՝ ընդհանուր առմամբ։ Իսկ ավելի կոնկրետ՝ խոսքը մի մարդու մասին է, ում Արցախում ճանաչում են շատերը, եթե ոչ բոլորը։ Ինքնատիպ, վառ ու բազմաշերտ անհատականություն, բարձրակարգ մասնագետ, իր գործին ու Հայրենիքին անմնացորդ նվիրված մեկը. Գրիգորի Արկադիի ԳԱԲՐԻԵԼՅԱՆՑԻՆ բնութագրող մակդիրներ կարելի է ընտրել երկար ու շատ՝ նման այն պարգևներին, որոնց արժանացել է նա կյանքի ընթացքում։ Երկրաբանահանքաբանական գիտությունների դոկտոր, պրոֆեսոր, ԲԳՌԱ ակադեմիկոս, ՀՀ Գիտությունների ազգային ակադեմիայի արտասահմանցի անդամ և երկրաբանության պատվավոր դոկտոր, հայտնաբերել է Կարակումի և իր բաղադրությամբ ու պաշարներով բացառիկ Աստրախանի գազի հանքավայրերը։ 1989թ. նշանակվել է ԽՍՀՄ երկրաբանության նախարար։

Աշխատավոր գյուղացու ընտանիքից սերող հասարակ տղային ինչպե՞ս հաջողվեց նման բարձունքների հասնել։ Միայն բնատուր խելքի ու անձնվեր աշխատանքի շնորհիվ, ասում է Գրիգորի Արկադևիչը։ Պրոֆեսորը համարում է, որ մարդու կյանքը բաժանվում է ժամանակաշրջանների, և յուրաքանչյուր փուլում նա պետք է իր առջև դնի նպատակ ու անձնվիրաբար ձգտի դրան։ Իսկ նպատակին հասնելով` չհանգստանա, այլ իր առջև նորանոր նպատակներ դնի։ Այս պարզ բանաձևին հետևելով էլ նա հասավ այդ բարձունքներին։ Իսկ աշխատել մեր զրուցակիցն սկսել է յոթ տարեկանից։ Մանկությունը համընկավ պատերազմական տարիների հետ։ Հայրը ճակատում էր, մայրն աշխատում էր երկու հերթով։ Դպրոցից հետո տղան գնում էր տնից ոչ հեռու գտնվող շուկան ու առևտրականներին օգնում տեղափոխել արկղերը, տուփերը, ինչի համար մեկը սոխ էր տալիս, մեկը՝ կարտոֆիլ, մյուսը՝ խնձոր, և երջանիկ ու գոհ նա տուն էր վերադառնում, որտեղ սպասում էին քույրն ու եղբայրը։ Կարդալ սովորել է չորս տարեկանից, և երբ ճակատից նամակներ էին գալիս, հարևանները, ովքեր հիմնականում գրագետ չէին, խնդրում էին նրան կարդալ նամակները։ Գրիգորի Արկադևիչը հիշում է, որ երբ նա անցնում էր հերթական նամակի ընթերցմանը՝ տրվում էր անզուսպ երևակայությանը, իրեն պատկերացնում էր մարտի դաշտում կամ խրամատում ու այնպես էր դերի մեջ մտնում, կարծես այդ ամենը տեղի էր ունեցել նամակի հեղինակի հետ։ Հասցեատերերին դա դուր էր գալիս, և բոլորը գոհ էին՝ և՜ ես, և՜ նրանք, ասում է Գաբրիելյանցը։
-Ինչո՞ւ ընտրեցիք երկրաբան-հետախույզի մասնագիտությունը։
-Մեծացել եմ Բաքվում, որտեղ ամեն ինչ նավթի հետ էր կապված։ Ապրում էինք ծովափից ոչ հեռու, փոքր տարիքից սիրում էի հետևել, թե ինչպես էին նավթագործ բանվորները նավակներով վերադառնում նավթահանքերից՝ հոգնած, կեղտոտված բաճկոններով։ Այն ժամանակ ինձ թվում էր, նրանք ամենաուժեղ, ամենաարժանապատիվ մարդիկն էին։ Ես ցանկանում էի նրանց նմանվել։ Այդ պատճառով էլ դպրոցն ավարտելով, ընդունվեցի Բաքվի նավթի և քիմիայի ինստիտուտը։ Բացի այդ, շատ էի սիրում կարդալ և ուզում էի սովորել` գրքի նման կարդալ ընդերքը։
-Ինչպես և երազում էիք, դարձաք երկրաբան-հետախույզ։ Բայց ինչո՞ւ թողեցիք Բաքուն։
-Բաքվում նավթի մասնագետների պակաս չկար, ուստի, դիպլոմս ստանալով, դիմեցի երկրի բոլոր նավթային շրջաններին, առաջարկ ստացա Թուրքմենստանից։ Թուրքմենական Կարակումներն այն ժամանակ բոլորովին չուսումնասիրված անապատ էր։ Այնտեղ աշխատեցի 1956-65թթ.։ Շատ դժվար էր, աշխատում էինք ուժերի գերլարումով, դա հսկայական աշխատասիրության դրսևորում էր։ Հիշում եմ 1959թ. մայիսը։ Արդեն երկու օր էր՝ փորձարկում էինք Կարակումներում առաջին հորատանցքը։ Շատ էինք հոգնած, լարվածությունը թուլացնելու համար բրիգադի համար սկսեցի կարդալ Ջերոմի ՙԵրեքը մի նավակում` չհաշված շունը՚ զավեշտական պատմվածքը...և հանկարծ գազի ու նավթի հզոր շատրվանն է դուրս հորդում՝ Կարակումներում առաջինը։ Դա ավելին էր, քան ուրախությունը։
Ինձ բախտ է վիճակվել աշխատանքային ուղիս հենց այստեղից սկսելու, անցել եմ շարքային երկրաբանից մինչև հանրապետության գլխավոր երկրաբանի ճանապարհը։ Կարակումներն ինձ համար ավարտվեցին մի շարք խոշոր գազահանքերի հայտնաբերմամբ։
Սկսվեց ՙՄիջին Ասիա-Կենտրոն՚ գազատարի նախագծումը։ Այնուհետև ինձ կանչեցին Մոսկվա՝ զբաղեցնելու ՎՆԻԻԳԱԶ-ի (Գազի համամիութենական գիտահետազոտական ինստիտուտ) գլխավոր երկրաբանի պաշտոնը։ 1965-1987թթ. ծավալել եմ գիտական, մանկավարժական, գիտա-արտադրական գործունեություն, ՎՆԻԻԳԱԶ-ում, Մոսկվայի նավթի և քիմիայի ինստիտուտում, ՙՆեֆտեգեոֆիզիկա՚ միավորումում, պաշտպանել դոկտորական ատենախոսություն։ 1987-1989թթ. զբաղեցրել եմ Համամիութենական նավթային երկրաբանահետախուզական գիտահետազոտական ինստիտուտի (ՎՆԻԳՆԻ) տնօրենի պաշտոնը։ Լայնածավալ խորհրդատվական գործունեություն եմ ծավալել արտերկրում՝ Եթոֆպիայում, Մոզամբիկում, Եմենում, Չինաստանում, Մոնղոլիայում, Կուբայում, Տնտեսական փոխգործակցության խորհրդի (ՏՓԽ) երկրներում, բավականին լավ ուսումնասիրել եմ միութենական հանրապետությունների երկրաբանական կառուցվածքը։ Իսկ 1989թ. ինձ նշանակեցին ԽՍՀՄ երկրաբանության նախարար...
-Եթե ոչ երկրաբանությունը, ուրիշ ի՞նչ մասնագիտություն կընտրեիք։
-Գիտե՞ք, ես համարում եմ, որ իմ մասնագիտությունն աշխարհում ամենահետաքրքիրն է։ Այն ստիպում է փնտրել, մտածել, լինել ուժեղ։ Երկրաբանը պարտավոր է տեսնել այն, ինչն ուրիշներին տրված չէ։ Բայց դա չի նշանակում, որ ինձ համար այն միակ հետաքրքրությունն է։ Բավականին լավ գլուխ եմ հանում գեղանկարչությունից, դասական երաժշտությունից և շատ եմ տարվում պատմությամբ։ Դեռ մանկուց։ Այժմ Ղարաբաղի պատմության մասին գիրք եմ գրում, բայց փակագծերը դեռ չեմ բացի։ Այնուամենայնիվ, եթե աշխարհում նորից ծնվելու հնարավորություն ունենայի, անպայման կընտրեի երկրաբանի մասնագիտությունը։ Անելու դեռ այնքա՛ն բան կա։ Այնքան շատ բան կա, որ ուզում եմ տեսնել, հասկանալ։ Ես արդեն երիտասարդ չեմ, բայց մինչև հիմա լինում եմ այն վայրերում, որտեղ երկրաբանական հետախուզություն են իրականացնում, որպեսզի ամեն ինչ տեսնեմ սեփական աչքերով։
Գրիգորի Արկադևիչի հետ երկար զրուցեցինք, խոսեցինք ցեղասպանության, Բաքվի ջարդերի, քրիստոնեության ու բուդդայականության մասին, հիշեցինք Նիցշեին... Որոշ հարցերի շուրջ մեր հայացքները չէին համընկնում, որոշների դեպքում նրա փաստարկները մտածելու տեղիք էին տալիս...
Մոտ երկու ժամ տևած մեր ողջ զրույցի ընթացքում պրոֆեսորն ակնդետ նայում էր աչքերիս։ Ինչ-որ պահի հասկանալի չէր՝ ե՞ս եմ նրանից հարցազրույց վերցնում, թե՞ ինքն է քննություն ընդունում ինձնից։ Օգնության հասավ նախապես պատրաստված հարցը.
-Ձեր հարցազրույցներից մեկում նշել էիք՝ ՙԻմ երկար կյանքի ընթացքում փոխվել եմ ոչ միայն արտաքնապես, այլև` ներքին էությամբ՚։ Մի քիչ կպարզաբանեի՞ք։
-Դե, նախ, դա գենետիկական տվյալներն են, երկրորդը՝ բնակության միջավայրը։ Առաջին դեպքում գենետիկական գործոններն են ազդեցություն գործում անհատականության ձևավորման վրա, և դա միանգամայն հասկանալի է, երկրորդ դեպքում՝ բնակության միջավայրը։ Մարդը դառնում է անձ` միայն սոցիալիզացման գործընթացի, այսինքն՝ հաղորդակցության, մյուս մարդկանց հետ փոխգործակցության արդյունքում։ Օրինակ, Բաքվում ապրելիս ներքին բովանդակությամբ ուրիշ մարդ էի, Թուրքմենստան տեղափոխվելով՝ մեկ այլ մարդ, նմանապես և՝ Մոսկվայում, Ղարաբաղում։ Այլ խոսքով՝ ինչ-որ երկրում ապրելով, հաղորդ ես լինում նրա մշակութային ավանդույթներին, ճանաչում ես այդ ժողովրդի մտածելակերպը, նրա արժեքները և, բնականաբար, ներքուստ ինքդ էլ փոխվում ես։ Այնպես որ բնակության միջավայրն անպայման իր հետքն է թողնում անհատականության ձևավորման վրա։
-Ինչպե՞ս կբնութագրեիք Ձեզ երկու խոսքով։
-Ընդունակ անոմալ մարդ...
Առաջինի հետ, թերևս, համաձայն եմ, բայց երկրորդը կփոխարինեի արտակարգ, հայրենիքին խորապես նվիրված մարդ բառերով։ Քանի որ միայն նման մարդը կարող է թողնել Մոսկվայում իր սահուն ու հանդարտ կյանքը և տեղափոխվել Ստեփանակերտ, որպեսզի ծառայի հայրենիքին, իր գիտելիքներն ու փորձն օգտագործի ի սպաս իր ժողովրդի, միայն անշահախնդիր մարդն ակտիվ մասնակցություն կունենա ՙԵրեխաների առողջությունն ու ապագան՚ բարեգործական հիմնադրամի աշխատանքներին, Արցախին կնվիրի 130 հազվագյուտ քարեր ու միներալներ, ինչպես նաև անձնական հավաքածուից 27 նկար։
Մարտի 2-ին լրացավ Գրիգորի Արկադևիչի 85 տարին։ Շնորհավորե՜նք նրան հոբելյանի առթիվ, մաղթենք քաջառողջություն և ոգու կորով, երկարակեցություն, որ առնվազն իր պապից ավել ապրի (պապն ապրել է 108 տարի) և, իհարկե, ստեղծագործական հաջողություններ։

 

 

 

 

]]>
arturcom1@gmail.com (Super User) Խճանկար Mon, 04 Mar 2019 17:13:13 +0000
ԵՐԿՈՒ ՆՈՐ ԹԱՂԱՄԱՍ ԵՎ 500 ԲՆԱԿԱՐԱՆ ՍՏԵՓԱՆԱԿԵՐՏՈՒՄ http://www.artsakhtert.com/arm/index.php/carriage/item/26189-500 http://www.artsakhtert.com/arm/index.php/carriage/item/26189-500 ԵՐԿՈՒ ՆՈՐ ԹԱՂԱՄԱՍ ԵՎ 500 ԲՆԱԿԱՐԱՆ ՍՏԵՓԱՆԱԿԵՐՏՈՒՄ
Նարեկ ՍԱՀԱԿՅԱՆ

 Մինչև 2020 թվականի ավարտը Ստեփանակերտում պատրաստ կլինի երկու նոր թաղամաս՝ 500 բնակարանով։ Ծրագիրն իրագործվում է Արցախի Հանրապետության կառավարության նախաձեռնությամբ՝ պետության և մասնավորի համագործակցությամբ։

Նոր թաղամասերի գլխավոր հատակագծերն արդեն քաղաքաշինության նախարարի սեղանին են։ Կարեն Շահրամանյանը լիահույս է, որ մայրաքաղաքում կյանքի կկոչեն հարմարավետ բնակարանների խոշոր ծրագիր. ՙ2- սենյականոց բնակարանները լինելու են մինչև 67 քառակուսի մետր մակերեսով, 3-սենյականոցների մակերեսը տատանվելու է 80-96 քառակուսի մետրի միջև, իսկ 4-սենյականոցները կունենան 110 քառակուսի մետր բնակելի տարածք։ Բնակարաններն ունենալու են առանձին խոհանոցներ, առանձին սանհանգույցներ, իսկ 3- և 4-սենյականոցները կունենան երկուական սանհանգույց՚,-հավելել է քաղաքաշինության նախարարը:
Բնակելի թաղամասերը կկառուցվեն Ստեփանակերտի Հովհաննես Թումանյան և Տիգրան Մեծ փողոցներում։ Արտակարգ իրավիճակների պետական ծառայության նախկին հասցեում նախատեսվում են 7- և 9-հարկանի շենքեր՝ ավելի քան 300 բնակարանով։ Նախագծող ճարտարապետ Մաքսիմ Աթայանցը նախատեսում է, որ բարձրահարկերը կկառուցվեն նորագույն տեխնոլոգիաներով և կունենան սեյսմակայուն բարձիկներ։ ՙՕգտագործելով այդ սեյսմակայուն բարձիկները՝ մենք կիրագործենք ավելի էժան, բայց սեյսմիկ անվտանգության առումով վստահելի շինարարություն։ Պետք է հավելեմ, որ այդ բարձիկներով կամրացնենք Ստեփանակերտի Տիգրան Մեծ փողոցի 9-հարկանի շենքերը՝ առանց բնակչությանը տարհանելու կամ անհանգստացնելու։ Արդյունքում հնարավոր է, որ այդ շենքերի բնակիչներն անգամ տանը չզգան երկրաշարժը՚,-նշում է նախարարը:
Նախատեսվող թաղամասերում բնակարանները կլինեն մատչելի։ Այս մասին հայտարարել է Արցախի Հանրապետության կառավարությունը՝ ավելացնելով, որ բնակարանների մատչելիությունը չի լինելու որակի հաշվին։ Պետական նախարար Գրիգորի Մարտիրոսյանի համոզմամբ՝ կկառուցվեն բյուջետային բնակարաններ, որոնք կլինեն առանց ավելորդ ճոխության, բայց չեն զիջի գործող չափանիշներին: ՙՇինանյութի շուկայում այսօր կան մի քանի գնային տարբերակներ։ Մեր պահանջը շինարարական կազմակերպություններից կլինի հետևյալը՝ ընտրել մատչելի, բայց որակյալ նյութեր։ Ասեմ ավելին, լինելու է պետական վերահսկողություն։ Կարող եմ հայտարարել, որ այդ բնակարանները, միանշանակ, լինելու են որակյալ, և թող մեր քաղաքացիներն այդ տեսակետից անհոգ լինեն՚,-նշել է պետնախարարը։
Բնակարանային պայմանների բարելավման համար կառավարությունը կյանքի է կոչել մատչելի հիփոթեքային ծրագիր։ Այն հաստատվել է 2019 թվականի փետրվարի 1-ին՝ կառավարության տարվա առաջին նիստում։ Հաշվի առնելով, որ երկրում առկա բնակֆոնդի զգալի մասը հին է, իսկ նոր բնակարանների պահանջարկը՝ մեծ, գործադիրը փորձել է ստեղծել պայմաններ, որ բնակարանով ապահովվեն ավելի շատ ընտանիքներ։ Գրիգորի Մարտիրոսյանը համոզված է, որ նոր կարգով հիփոթեքից կօգտվեն ավելի շատ ընտանիքներ. ՙՍտեղծված իրավիճակում կառավարությունը շեշտը դնում է նմանատիպ ծրագրերի վրա, որոնց արդյունքում բնակարանային խնդիրն Արցախում հնարավոր է մեղմել։ Հաշվի առնելով առկա պահանջարկը՝ կառավարությունն այս տարի պետական բյուջեից ավելի շատ միջոցներ է նախատեսել։ Պետական ֆինանսական աջակցությունը քաղաքացուն կտրամադրենք Արցախի ներդրումային հիմնադրամի խողովակներով, որի տարեկան բյուջեն ավելացել է շուրջ 1,5 միլիարդ դրամով՚։
Ստեփանակերտի նոր թաղամասերում կբնակվեն նաև կարգավիճակ ունեցող ընտանիքներ։ Նրանք, որոնց նկատմամբ պետությունը պարտավորություն ունի։ Անկախ բնակիչների սոցիալական վիճակից` բնակարանները կլինեն նույնատիպ։ Ճարտարապետ Սևակ Ասրյանը նախագծում է Ստեփանակերտում նախատեսվող երկրորդ թաղամասը։ Այն կլինի Թումանյան փողոցի վրա՝ նախկին շինանյութերի կոմբինատի տարածքում։ Նրա տեղեկացմամբ՝ փորձել են կատարելագործել սպայական թաղամասի տարբերակը. ՙԱյնպես ենք կազմակերպել, որ բնակարանները երկու կողմից ունենան պատշգամբ։ Սա շատ կարևոր է ոչ միայն օդափոխության, այլ նաև արևահարման տեսանկյունից։ Իր տեսակով թաղամասը լինելու է պարփակված, իսկ ներսում նախատեսում ենք մանկական խաղահրապարակ, ֆուտբոլի դաշտ, վազքուղիներ և ավելի շատ կանաչ գոտի։ Այնպես ենք նախագծել, որ շենքերի բակը ոչ թե ավտոկայանատեղի, այլ ավելի շատ պուրակ հիշեցնի՚։
Եթե Տիգրան Մեծ փողոցի հարևանությամբ կառուցվող թաղամասը մոտ է թիվ 2 հիմնական դպրոցին, ապա Թումանյանում մասնագետները դպրոցի ու մանկապարտեզի կարիք են տեսնում։ Դա հիմնավորում են վերջին տարիներին փողոցում կառուցված բնակելի թաղամասերի քանակով ու նաև թիվ 1 դպրոցի ծանրաբեռնվածությամբ։ Բացելով փակագծերը՝ ճարտարապետ Սևակ Ասրյանն ասում է, որ նախագծում դպրոց ու մանկապարտեզ նախատեսել են: ՙԴպրոցի տարածքը հատկացված է, հետագայում այստեղ կկառուցվի 450-500 աշակերտի համար նախատեսված կրթօջախ և 3-խմբանոց նախակրթարան։ Մանկապարտեզը բնակելի շենքերից կլինի մի քանի մետր հեռավորության վրա՚,-տեղեկացրեց ճարտարապետը:
Ստեփանակերտի նոր թաղամասերի շինարարությունը կսկսվի գարնանը։ Քաղաքաշինության նախարարը հայտարարել է, որ կկառուցեն այն տեղական կազմակերպությունները, որոնք այդպիսի ներուժ ունեն և կտեղավորվեն շինարարության համար սահմանված ժամկետներում։


;

 

 

 

]]>
arturcom1@gmail.com (Super User) Խճանկար Mon, 04 Mar 2019 17:05:38 +0000
ԲՈԼՈՐ ՀԵՏԵՎԱՆՔՆԵՐԻ ՀԱՄԱՐ ՊԱՏԱՍԽԱՆԱՏՎՈՒԹՅՈՒՆ http://www.artsakhtert.com/arm/index.php/politics/item/26188-2019-03-04-17-03-46 http://www.artsakhtert.com/arm/index.php/politics/item/26188-2019-03-04-17-03-46 Գայանե ՄՈՎՍԵՍՅԱՆ

 Ադրբեջանի ԱԳՆ-ն ազդարարել է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպման նախապատրաստման մասին։ Ադրբեջանի Հանրապետության ԱԳՆ մամուլի ծառայության ղեկավար Լեյլա Աբդուլաևան հայտարարել է, որ Հայաստանի և Ադրբեջանի Հանրապետությունների ղեկավարների մակարդակով հանդիպման նախապատրաստություն է ընթանում։ Երևանի պաշտոնական հաստատումը ներկա պահին չկա։ Թեև որոշ ԶԼՄ-ներ, հղում անելով ՀՀ ԱԳՆ-ի անանուն աղբյուրներին, հայտնում են, որ նման հանդիպման վերաբերյալ ոչ մի հստակ պայմանավորվածություն չկա։Ը ԿՐՈՒՄ Է ԱԴՐԲԵՋԱՆԸ

Հանդիպման ժամկետների շուրջ կոնկրետ տեղեկատվություն չի տալիս նաև Բաքուն, նույնքան լղոզված կերպով հաղորդելով, որ օրակարգում Հայաստանի և Ադրբեջանի ԱԳՆ ղեկավարներ Զոհրաբ Մնացականյանի և Էլմար Մամեդյարովի հերթական հանդիպումն է, և որ այդ հարցը քննարկվել է ԵԱՀԿ Մինսկի խմբի համանախագահների` Բաքու կատարած վերջին այցի ժամանակ։
Հետաքրքրական է, որ համանախագահներն իրենք, հակառակ սովորությանը, Երևան և Բաքու կատարած այցն ավարտելուց հետո հանդես չեն եկել ամփոփիչ հայտարարությամբ, որում կհաղորդվեր, թե ինչ է քննարկվել, ինչի շուրջ են համաձայնություն ձեռք բերել կամ ինչը չեն համաձայնեցրել։ Թե ինչո՞ւ Բաքուն հանկարծ որոշեց ստանձնել միջնորդների այդ առաքելությունը, կարելի է միայն ենթադրություն անել։ Հնարավոր է նրա համար, որպեսզի հերթական անգամ հայտարարի, որ այդ հանդիպումներից նա ակնկալում է ՙկոնկրետ արդյունք՝ օկուպացված տարածքների ազատում և իրենց հայրենի հողեր հարկադիր վերաբնակների վերադարձի ապահովում՚։ Նման եզրակացություն է ակամայից առաջանում՝ կապված նաև Regnum տեղեկատվական գործակալության գլխավոր խմբագիր Մոդեստ Կոլերովի անսպասելի հայտարարության հետ առ այն, որ Հայաստանի և Ադրբեջանի ԱԳՆ ղեկավարների հանդիպում Մյունխենի անվտանգության համաժողովի շրջանակներում չի կայացել հանդիպումից ադրբեջանական նախարարի հրաժարման պատճառով ՙայն բանից հետո, երբ Հայաստանի իշխանությունները հայտարարեցին, որ նրանք բանակցություններ չեն վարում կարգավորման մասին՚։ Չգիտեմ՝ որքանով են Կոլերովի տեղեկությունները հավաստի, սակայն փաստ է, որ Մյունխենի համաժողովի նախօրեին Բաքուն դժգոհություն է հայտնել ՀՀ վարչապետ Նիկոլ Փաշինյանի հայտարարությունների առնչությամբ։ Նախ, այն մասին, որ եթե Ադրբեջանն իր ժողովրդին չի նախապատրաստում խաղաղության, ապա Հայաստանը ևս չի կարող իր ժողովրդին խաղաղության նախապատրաստել և կգործի իրավիճակին համաչափ։ Երևանը հնարավոր է համարում ադրբեջանա-արցախյան հակամարտության միայն խաղաղ հանգուցալուծումը, բայց դա ամենևին էլ չի նշանակում, որ Հայաստանը չպետք է պատրաստ լինի պատերազմի։ Երկրորդ, Հայաստանի վարչապետը հարցադրում է արել. արդյո՞ք Ադրբեջանի ղեկավարությունն ադրբեջանցիների անունից հանդես գալու լիազորություն ունի։ Փաշինյանի խոսքով` ամեն անգամ, երբ ծառանում է բանակցությունների սեղանի շուրջ Արցախին վերադարձնելու հարցը, Ադրբեջանը հայտարարում է, որ կներգրավի ՙՂարաբաղի ադրբեջանական համայնքի՚` այսպես կոչված ներկայացուցիչներին։ Մինչդեռ, Արցախից ադրբեջանցի հարկադիր վերաբնակները չեն կարող բանակցությունների ինքնուրույն կողմ դառնալ, քանի որ, այսպես կոչված, ադրբեջանական համայնքը միշտ մասնակցություն է ունեցել բանակցային գործընթացին և շարունակում է անել դա։ ՙՉեն եղել բանակցություններ, որոնցում ադրբեջանական համայնքը ներկայացված չի եղել, քանի որ նրանք մասնակցում են Ադրբեջանի նախագահական և խորհրդարանական ընտրություններին, նրա քաղաքացիներ են և, հետևաբար, Ադրբեջանի նախագահը նաև նրանց կողմից է ընտրված՚,- ասել է Փաշինյանը։ Նրա մոտ հարց է առաջացել. ՙԱրդյո՞ք, սա նշանակում է, որ Ադրբեջանի գործող իշխանությունները բանակցային գործընթացում ողջ ադրբեջանական ժողովրդին ներկայացնելու լիազորություններ չունեն։ Եթե Ադրբեջանում կան քաղաքացիներ, որոնց կառավարությունը չի ներկայացնում, և նա ընդունում է, որ լիազորված չէ ներկայացնելու Ղարաբաղի ադրբեջանական համայնքը, ապա հարց է ծագում. Ադրբեջանի գործող իշխանությունները լիազորվա՞ծ են ադրբեջանական համայնքի ուրիշ հատվածները ներկայացնելու՚։ Փաշինյանը նաև հետաքրքրվել է, արդյո՞ք Ադրբեջանն ազգային փոքրամասնությունները ներկայացնելու լիազորություն ունի։ ՙԵթե կառավարությունը լիազորված չէ ողջ Ադրբեջանը ներկայացնել, ապա ի՞նչ մանդատով է այդ կառավարությունն ընդհանրապես մասնակցում բանակցություններին՚,- օրինաչափ դիտարկում է արել Փաշինյանը։
Եթե Կոլերովի ներկայացրած տվյալները ստույգ են, նշանակում է Բաքուն բանակցություններից կհրաժարվի ամեն անգամ, երբ Երևանի հնչեցրած խոսքերում որևէ բան իրեն չգոհացնի։ Այլ խոսքով, հայկական կողմերին և միջնորդներին շանտաժի կենթարկի իր մտացածին պահանջներով։ Ի դեպ, ադրբեջանցի հարկադիր վերաբնակների մասին։ Հարկ է պաշտոնական Բաքվին հիշեցնել, որ հենց Ադրբեջանի իշխանություններն են կրում պատասխանատվությունն ինչպես հարկադիր վերաբնակների խեղված ճակատագրերի, այնպես էլ երկրի բազմահազարանոց հայ ազգաբնակչության ողբերգության համար, որը 1988թ. փետրվարից` մի քանի տարի շարունակ ենթարկվել է ադրբեջանական իշխանությունների կազմակերպած ու իրագործած հրեշավոր էթնիկ զտումներին և ցեղասպանական գործողություններին: Այդ տարիների ընթացքում առանձնակի դաժանությամբ սպանվեցին հազարավոր հայեր։ Ավելի քան 500 հազարը դարձավ փախստական։ Արցախից ադրբեջանցի հարկադիր վերաբնակները դարձան 1990թ. Արցախի և Հայաստանի դեմ Ադրբեջանի կողմից իսկ սանձազերծված լայնածավալ ռազմական ագրեսիայի զոհը։

www.ra.am

 

 

 

]]>
arturcom1@gmail.com (Super User) Քաղաքական Mon, 04 Mar 2019 17:02:52 +0000
ԱԴՐԲԵՋԱՆԱԿԱՆ ՑԻՆԻԶՄ http://www.artsakhtert.com/arm/index.php/politics/item/26187-2019-03-04-17-01-09 http://www.artsakhtert.com/arm/index.php/politics/item/26187-2019-03-04-17-01-09 Վահրամ ԱԹԱՆԵՍՅԱՆ

 Ժամանակին ադրբեջանական մամուլի հրապարակումներն արժանանում էին հակադարձման։ Վերջին տարիներին մենք գրեթե ուշադրություն չենք դարձնում, թե ինչ են գրում Բաքվի լրատվամիջոցները։ Ադրբեջանական կողմի հարձակումները հիմնականում մնում են անպատասխան։ Եւ ստացվում է այնպես, որ եթե նախկինում Լեռնային Ղարաբաղի խնդրի շուրջ օտար ընկալումը հիմնականում այն էր, որ գերազանցապես հայերով բնակեցված մարզը Ստալինի կամայական որոշմամբ տրվել է Ադրբեջանին, որտեղ հայկական արժեքները հետեւողականորեն ոչնչացվել են, բռնաճնշվել են մարդկանց ազգային իրավունքները, ապա վերջին շրջանում նաեւ արտերկրի հեղինակներն սկսել են գրել ԼՂ-ում ՙադրբեջանցիների էթնիկ զտումների եւ տարածքների օկուպացման՚ մասին։

Քարոզչա-տեղեկատվական մրցակցությունը վերաճել է դաժան պատերազմի, որտեղ հաջողության հասնելու համար ադրբեջանական կողմը ոչինչ եւ ոչ ոքի չի խնայում։ Բաքվում բաց չեն թողել Սիլվա Կապուտիկյանի հոբելյանի առիթը եւ նրան հրապարակումների մի ամբողջ շարք են նվիրել։ Ադրբեջանցի հեղինակները նրան անվանել են Լեռնային Ղարաբաղն ՙԱդրբեջանից օտարելու դավադիր ծրագրի հեղինակներից մեկը՚։ Բաքվում հիշել են, որ անցյալ դարի կեսերին Սիլվա Կապուտիկյանն այցելել է Արցախ, հանդիպել ընթերցողների հետ, գրել Արցախին նվիրված բանաստեղծություններ։ Արխիվներից պեղել-հանել են Ադրբեջանի ԳԱ նախագահին գրած Սիլվա Կապուտիկյանի նամակը, որտեղ բանաստեղծուհին բարձրացրել է Արցախի պատմաճարտարապետական հուշարձանների անմխիթար վիճակի հետ կապված հարցեր։ Եւ, իհարկե, վերհիշել են, որ Սիլվա Կապուտիկյանը Ղարաբաղյան շարժման օրերին Մոսկվայում հանդիպել է ԽՄԿԿ ԿԿ գլխավոր քարտուղար Միխայիլ Գորբաչովին, եւ վերջինս, իբր, նրան խոստացել է ՙՂարաբաղը տալ հայերին՚։
Ի՞նչ նպատակ է հետապնդում այս քարոզչությունը՝ գաղտնիք չէ։ Բաքվում ճգնում են Լեռնային Ղարաբաղի խնդիրը ներկայացնել որպես ՙԱդրբեջանի դեմ ագրեսիա, որն սկսվել է տեղեկատվական արշավի ձեւով, ապա վերաճել ռազմական օկուպացիայի՚։ Ցինիզմն այն աստիճանի է հասել, որ հրապարակումներից մեկի հեղինակը Սիլվա Կապուտիկյանին, հայ մտավորականությանը մեղադրում է... ՙսումգայիթ՚ կազմակերպելու մեջ։ Իրականություն է, սակայն, որ Ստեփանակերտում խաղաղ ցույցերի հաջորդ օրն իսկ Աղդամում բազմահազարանոց ամբոխի առջեւ ելույթ է ունեցել Ադրբեջանի ժողովրդական բանաստեղծ Բախտիյար Վահաբզադեն եւ ընթերցել հայերիս ուղղված իր բանաստեղծությունը, որտեղ այսպիսի տողեր կային.

-Քանի՞ անգամ եմ աչքերդ հանել
Հողիս վրա աչք դնելու համար...
Այս կոչի ազդեցությամբ էլ ամբոխը շարժվել է դեպի Ասկերան՝ ճանապարհին ավերելով հայկական Խրամորթ եւ Խնապատ գյուղերը։ Այս կոչ-բանաստեղծությունն է մշտապես հնչել Բաքվի ցույցերի ժամանակ, եւ հենց ադրբեջանցի բանաստեղծ Խալիլ Ռզան է Բաքվում առաջինը հրապարակային հնչեցրել ՙմահ հայերին՚ կոչը։ Մինչ այդ կարգախոսը Սումգայիթում հնչեցրել է մեկ այլ բանաստեղծ՝ Խըդըր Ալովլուն։ Սրանք հայտնի փաստեր են, Խալիլ Ռզան` որպես 1990թ. Բաքվի հունվարյան ջարդարարության կազմակերպիչ, նույնիսկ կարճաժամկետ ձերբակալության է ենթարկվել։ Հայտնի է, վերջապես, որ ադրբեջանական ողջ մտավորականությունը, գրական կազմակերպությունը երես է թեքել Աքրամ Այլիսլիից, նրան որակել ՙդավաճան հայ՚։ Միջնադարյան այդ ինկվիզիցիայի առիթն Այլիսլիի ՙՔարե երազներ՚ վեպն է՝ Բաքվի եւ Ագուլիսի հայկական ջարդերի նկարագրությամբ։
Մենք կարող ենք, պարտավոր ենք գտնել այլ բազմաթիվ փաստեր եւ այդ ամենը ներկայացնել միջազգային հանրությանը։ Այլապես ադրբեջանական ցինիզմը կարող է ունենալ հետեւորդներ։

;

 

 

 

]]>
arturcom1@gmail.com (Super User) Քաղաքական Mon, 04 Mar 2019 17:00:46 +0000
ՄԱՐՏԻ 1-ԻՑ ԴԵՂԱՊԱՏ ՍՏԵՆՏՆԵՐԸ ԿՏԵՂԱԴՐՎԵՆ ԱՆՎՃԱՐ http://www.artsakhtert.com/arm/index.php/social/item/26186-1 http://www.artsakhtert.com/arm/index.php/social/item/26186-1 Զարինե ՄԱՅԻԼՅԱՆ

 Դեռևս 2014թ. ԱՀ առողջապահության նախկին նախարար Հարություն Քուշկյանի նախաձեռնությամբ ու միջոցներով Հանրապետական բժշկական կենտրոնում (ՀԲԿ) բացվեց անգիոգրաֆիկ բաժանմունք: Այստեղ տեղադրված գերմանական ՙՍիմենս՚ ընկերության վերջին սերնդի անգիոգրաֆիկ սարքի շնորհիվ հնարավոր է պարզորոշ տեսնել մարդու ցանկացած անոթ, կատարել ներանոթային միջամտություններ՝ անգիոգրաֆիա, ստենտավորում ոչ միայն սրտի անոթների, այլեւ մնացած բոլոր օրգանների: 

ԱՀ-ում սրտանոթային խնդիրներ ունեցող հիվանդներն արդեն 5 տարի է, ինչ օգտվում են բժշկական այս ծառայություններից։ Ստենտավորումն ինֆարկտի դեպքում մարդու կյանքը փրկելու ամենաարդյունավետ միջոցն է։ Միջամտությունները բացարձակապես անցավ են, մեծ մասը կատարվում է նախաբազկի զարկերակից, ինչն իջեցնում է միջամտությունների բարդությունների հնարավորությունն ու ավելի հարմարավետ է հիվանդների համար, ինչպես նաև կրճատում է հոսպիտալացման ժամկետը:
Համաձայն կարգի` կորոնարոգրաֆիա հետազոտության ու պլանային կարգով ստենտի տեղադրման համար ԱՀ քաղաքացին վճարում է արժեքի 40%-ը, անհետաձգելի դեղապատ ստենտի տեղադրման դեպքում` 30%-ը, իսկ անհետաձգելի ոչ դեղապատ ստենտի տեղադրումը, ինչպես նաև վերը նշված դեպքերի գումարի մյուս մասն իրականացվում է պետպատվերի շրջանակներում։ ԱՀ առողջապահության նախարար Ա. Բաղրյանի պարզաբանմամբ՝ 2018թ. աշխատանքներ են տարվել ստենտների գների նվազեցման ուղղությամբ և հնարավորություն է ստեղծվել այն ձեռք բերել սահմանվածից 70 հազար դրամ ցածր գնով։ Արդյունքում` 2019թ. մարտի 1-ից Արցախում սրտի անհետաձգելի վիրահատության ՙStent for life՚ ծրագրով, անվճար հիմունքներով, պետպատվերի շրջանակներում մեկ ոչ դեղապատ ստենտի փոխարեն կտեղադրվի դեղապատ մեկ ստենտ: Հիվանդներն էլ հնարավորություն կունենան հիմնական դեղերի ցանկից երկու ամիս ստանալ հակաթրոմբային և հակախոլեստերինային դեղեր:
ԱՀ առողջապահության նախարարությունից ստացված տեղեկատվության համաձայն՝ 2018թ. ընթացքում ԱՀ ՀԲԿ-ի անգիոգրաֆիայի բաժանմունք է դիմել 380 քաղաքացի, որոնցից 272 հոգի ենթարկվել է կորոնար անոթների անգիոգրաֆիկ հետազոտությունների, իսկ 133 հիվանդի տեղադրվել է 164 ստենտ: Տարվա կտրվածքով սրտամկանի սուր ինֆարկտով 86 հիվանդի մոտ կատարվել է կորոնար անոթների անգիոպլաստիկա, իրականացվել է նաև ստորին վերջույթների էնդովասկուլյար 26 միջամտություն, 9 հիվանդ ենթարկվել է ստորին վերջույթների անգիոգրաֆիայի, 17-ին` տեղադրվել 29 ստենտ: Այս միջամտությունների մեծ մասը կատարվել է անգիոգրաֆիայի բաժանմունքի բժիշկների և անոթային վիրաբույժների կողմից: Վիրահատությունների մի մասն իրականացվել է ավստրիահայ հայտնի անոթային վիրաբույժ Արա Ուղուրլյանի մասնակցությամբ: Բժշկական նման միջամտությունները բարձրացնում են հիվանդի կյանքի որակն ու կանխում հաշմանդամությունը:
Անգիոգրաֆիայի բաժանմունքն աշխատում է 24-ժամյա ռեժիմով։ Այն սերտ համագործակցում է առողջության պահպանման առաջնային օղակի և շտապօգնության ծառայության հետ: Հաստատված արձանագրությունների համաձայն՝ սուր ինֆարկտների դեպքում պետք է արագ և ճիշտ գնահատել հիվանդի վիճակը և ամենակարճ ժամանակում տեղափոխել անգիոգրաֆիայի բաժանմունք:
;

]]>
arturcom1@gmail.com (Super User) Սոցիալական Mon, 04 Mar 2019 16:59:33 +0000
Մեծ պահք http://www.artsakhtert.com/arm/index.php/spiritual/item/26185-2019-03-04-16-51-33 http://www.artsakhtert.com/arm/index.php/spiritual/item/26185-2019-03-04-16-51-33 Մեծ պահք
Այսօրվանից ՀԱԵ սկսում…

 Պահքի շրջանում օգտագործում են բացառապես բուսական ծագում ունեցող սննդամթերք:


Image result for մեծ պահքի մասինՊահքի ընթացքում հրաժարվում են ոչ միայն որոշակի կերակուրներից, այլև մոլի սովորություններից, շատախոսությունից, ստախոսությունից, հայհոյանքից և այլ մեղքերից:
Կերակրից հրաժարվելն առանց մեղքից հետ կանգնելու` անօգուտ է: «Սատանան միշտ պահքի մեջ է, ոչինչ չի ուտում, բայց մեղք գործելուց չի դադարում և չի հոգնում», - ասում է Ս. Գրիգոր Տաթևացին: «Լեռան քարոզում» Քրիստոս պահքի մասին ասում է. «Երբ ծոմ պահեք, տրտմերես մի լինեք կեղծավորների նման, որոնք իրենց երեսներն այլանդակում են, որպեսզի մարդկանց այնպես երևան, թե ծոմ են պահում, ճշմարիտ եմ ասում ձեզ, այդ իսկ է նրանց վարձը, այսինքն` մարդկանց երևալը և նրանցից գովվելը: Այլ երբ դու ծոմ պահես, օծի քո գլուխը և լվա քո երեսը, որպեսզի չերևաս մարդկանց ծոմ պահող, այլ քո Հորը, գաղտնաբար, և քո հայրը, որ տեսնում է, ինչ որ ծածուկ է, կհատուցի քեզ» (Մատթ. 6:16-18): Մեր Տերը սովորեցնում է, թե ինչ ոգով է պետք այն կատարել: Ինչպես հիվանդությունն է ազդում մարմնի վրա, այնպես էլ մեղքն է ազդում հոգու վրա: Պահեցողությունը չէ, որ մեղքը քավում է: Աստված է քավիչը: Սակայն պահեցողությունը կարևոր է քավչարար այս սրբագործության մեջ: Զղջումը, աղոթքը, ապաշխարանքը հիմնական պայմաններն են Աստծո բուժիչ և քավիչ զորությունն ստանալու:


Պահքի 40 օրը խորհրդանշում է անապատում Քրիստոսի քառասնօրյա աղոթքի, ծոմապահության և ապաշխարության շրջանը: Իր մկրտությունից հետո Հիսուս «հոգով անապատ առաջնորդվեց ու քառասուն օր փորձվեց սատանայից: Չկերավ ու չխմեց այն օրերին» (Ղուկ. 4:1-3): Հիսուս Իրեն ծոմապահության ենթարկեց մարդկային ցեղի փրկության համար, մարդկության փոխարեն Ինքն ապաշխարեց, որպեսզի բոլոր պահեցողություն անողների ապաշխարանքն իմաստ և իրականություն ստանան շնորհիվ Իր ծոմապահության: Քառասնօրյա պահքին հաջորդում է պահոց ևս մեկշաբաթյա շրջան` Ավագ շաբաթը: Այդ է պատճառը, որ քառասնօրյա կոչվող պահքը 48 օր է տևում:
Մեծ Պահքն ունի յոթ կիրակի, յոթ հիշարժան օրեր. Բուն բարեկենդան, Արտաքսում, Անառակի, Տնտեսի, Դատավորի, Գալստյան և Ծաղկազարդ:


Մեծ Պահքը կիսվում է միջինքով: Պահքն այդ օրը չեն ընդհատում: Պարզապես ժողովրդական սովորության համաձայն` այդ օրը բաղարջից պահոց գաթա են պատրաստում:
Մեծ Պահքի շրջանում վաղնջական կանոններով արգելված են եղել պսակադրությունները և մատաղը: Սակայն Վազգեն Ա կաթողիկոսի շրջաբերականով խիստ անհրաժեշտության դեպքում թույլատրվեց պսակադրություն կատարել Մեծ Պահքի շաբաթ և կիրակի օրերին, բացառապես Ավագ շաբաթվա բոլոր օրերի:


Եկեղեցական տոնացույցի համաձայն տարին բաժանվում է տոնական և պահոց օրերի: Պահոց 158 օրերի մեծ մասը կարճատև պահքեր են` օրապահքեր (չորեքշաբթի և ուրբաթ օրերը` ի հիշատակ Հիսուս Քրիստոսի մատնության և չարչարանքների) և շաբաթապահքեր, իսկ առավել ժողովրդականություն վայելող և ամենաերկարատև պահքը Մեծ կամ Քառասնորդական պահքն է: Ի՞նչ է պահքը: Առաջին իմաստով այն կամավոր ինքնազրկումն ու զսպվածությունն է սննդի նկատմամբ: Եկեղեցական ավանդության համաձայն` երեք տեսակի պահքեր գոյություն ունեն: Առաջինը սովորական պահքն է` կենդանական ծագում ունեցող սննդից (բացառությամբ մեղրի) և ոգելից խմիչքներից հրաժարումը: Երկրորդը սրբապահքն է` հրաժարումը նաև բուսական ծագման` ընդհուպ մինչև սոսկ աղուհացով սնվելը (Մեծ պահքի շրջանը կոչվում է նաև Աղուհացի շրջան): Երրորդը ծոմն է` միառժամանակ ընդհանրապես հրաժարումը սննդից և անգամ ջրից:


Իհարկե, կարելի է նկատի առնել պահքի օգտակարությունը նաև բժշկական տեսակետից, հատկապես Մեծի պահոց շրջանում, քանի որ գարնանամուտն առանց ճարպային, կենդանական սննդի անցկացնելը դրական ազդեցություն է ունենում օրգանիզմի վրա: Սակայն սխալ է այն մտայնությունը, թե պահքը սոսկ դիետա է` նիհարելու կամ որոշակի հիվանդություններից ձերբազատվելու համար: Պահքը չի սահմանափակվում միայն կենդանական սննդից հրաժարումով. այն առաջին հերթին հոգեկան ու բարոյական ամեն տեսակի ախտերից ու մոլություններից, մեղանչական մտքերից, խոսքերից ու գործերից մաքրվելն է, զղջմամբ ու ապաշխարությամբ աստվածահաճո և առաքինի կյանքին դառնալը: Պահոց շրջանում կարևոր է հոգևոր շնորնհների ու հատկապես եղբայրասիրության մեջ զորանալը, քանի որ, ինչպես Եզնիկ Կողբացին է ասում.«Մեկը կարող է կենդանու միս չուտել, բայց անընդհատ իր եղբոր միսը ծամել»: Այս պարագային կարևոր է նաև մեկ այլ ծայրահեղությունից զգուշանալը. պահք պահելը չպետք է պատճառ դառնա պահեցողության մեջ տկարացող մեր եղբայրակցին դատելու. «Ով ուտում է, թող չարհամարհի նրան, ով չի ուտում, իսկ ով չի ուտում, թող չդատի նրան, ով ուտում է» (Հռոմ.14:3):


Պահքի կարևորությունը առավել հարազատորեն ըմբռնելու համար պիտի ընդգծենք այն հանգամանքը, որ այն օրինադրվել է դեռևս դրախտում, և Աստծու կողմից մարդուն տրված առաջին պատվիրանը եղել է հենց պահք պահելը. «Դրախտում ամէն ծառի պտուղներից կարող ես ուտել, բայց բարու եւ չարի գիտութեան ծառից մի կերեք, որովհետեւ այն օրը, երբ ուտէք դրանից, մահկահացու կդառնաք» (Ծննդ.2:16-17):


Ի տարբերություն այլ եկեղեցիների, որոնք պարզապես թվակարգում են Մեծ պահքի 7 կիրակիները, Հայաստանյայց եկեղեցին սուրբգրային հիմք ունեցող յուրահատուկ անուններով ու խորհուրդներով է օժտել այդ կիրակիները: Դրանով նրանք կազմել են խորհրդանշական մի շղթա` արտացոլելով մարդու դրախտային կյանքի, պատվիրանազանցության ու անկման, աստվածորոնողության և աստվածային նախախնամությամբ փրկագործության ողջ ընթացքը:
Պահքերի (բացառությամբ օրապահքերի) նախորդ օրերը կոչվում են «բարեկենդան», իսկ Մեծ Պահքին նախորդում է Բուն Բարեկենդանը: Բարի կենդանություն, այսինքն` բարի, անհոգ և երջանիկ կյանք. այս իմաստն է ամփոփված «բարեկենդան» անվան մեջ, որ առավելագույնս արտահայտված ենք տեսնում Բուն Բարեկենդանի խորհրդում, որը Մեծ Պահքի առաջին կիրակին է և պատկերում է մարդու դրախտային երանավետ կյանքը: Այս խորհուրդը երևում է անգամ սննդի օգտագործման մեջ, քանի որ Բուն Բարեկենդանը կենդանական և ճոխ ուտելիք գործածելու վերջին օրն է: Մեծ պահքի երկրորդ կիրակին կոչվում է Արտաքսման և խորհրդանշում է մարդու` դրախտից արտաքսվելը և Աստծո տեսությունից զրկվելը: Հենց սա է խորհրդանշում ողջ Մեծ Պահքի շրջանում եկեղեցիների վարագույրների փակ մնալը և Ս. Հաղորդությունից հավատացյալների անմասն մնալը: Երրորդ կիրակին կոչվում է Անառակի և մատնանշում է առ Աստված դառնալու և կորուսյալ դրախտը գտնելու կարեվորագույն նախապայմանը` ապաշխարանքը: Չորրորդ` Տնտեսի կիրակին, ուսուցանում է նյութական հարստության տնօրինման կերպի դերը հավիտենական փրկության կամ կորստյան մեջ: Հինգերորդ` Դատավորի կիրակին, պատգամում է հարատև աղոթքի անփոխարինելի նշանակությունը փրկության համար: Վերջին` Գալստյան կիրակին, ամփոփում է Քրիստոսի ինչպես Ա Գալստյան խորհուրդը, այնպես էլ Երկրորդ գալստյան խոստումը:


Մեծ Պահքին անմիջապես հաջորդող շաբաթը կոչվում է Ավագ Շաբաթ և ընդգրկում է Փրկչի երկրային կյանքի վերջին կարևորագույն իրողությունները` հաղթական մուտքը Երուսաղեմ (Ծաղկազարդ), Վերջին Ընթրիքը, Մատնությունը, Չարչարանքները, Խաչելությունը, Մահը, Թաղումը և ի վերջո հրաշափառ Հարությունը` Ս. Զատիկը:

 

qahana.am

 

 

 

 

]]>
arturcom1@gmail.com (Super User) Հոգևոր Mon, 04 Mar 2019 16:46:43 +0000
Արցախին կնվիրաբերվեն շտապ օգնության 10 նոր մեքենաներ․ պետնախարարն ընդունել է ՀՀ առողջապահության նախարարին http://www.artsakhtert.com/arm/index.php/official/item/26193-10 http://www.artsakhtert.com/arm/index.php/official/item/26193-10 Արցախին կնվիրաբերվեն շտապ օգնության 10 նոր մեքենաներ․ պետնախարարն ընդունել է ՀՀ առողջապահության նախարարին
Արցախի Հանրապետության պետական…

  Պետական նախարարը բարձր է գնահատել ՀՀ առողջապահության նախարարության և Արցախի գործընկեր կառույցի հետ փոխգործակցության առկա մակարդակը՝ կարևորելով այդ ուղղությամբ իրականացվող աշխատանքների հետևողական շարունակականությունը: Այս համատեքստում Գ․ Մարտիրոսյանը հատկապես ընդգծել է էլեկտրոնային առողջապահության համակարգի ներդրման, ինչպես նաև ընթացիկ տարվանից բժշկական ապահովագրության փորձնական կիրառման ծրագրերը։ «Հատկապես բժշկական ապահովագրությունը համարում ենք առաջնային և պահանջված: Կարծում ենք՝ այն պետք է դառնա սոցիալական ինստիտուտ, քանի որ կառավարության վարած քաղաքականության տրամաբանության ծիրում մենք առողջապահական հարցերը դիտարկում ենք այդ շրջանակում»,- ասել է Գ. Մարտիրոսյանը:

Շնորհակալություն հայտնելով ջերմ ընդունելության համար՝ ՀՀ առողջապահության նախարարը ևս գոհունակություն է հայտնել Արցախի առողջապահության համակարգի հետ համագործակցության դինամիկայից՝ նշելով, որ ՀՀ-ում իրականացվող զարգացման բոլոր ծրագրերում միշտ հաշվի են առնվում Արցախի խնդիրները: «Առաջիկայում Արցախի մեր գործընկերներին կտրամադրենք շտապ օգնության նոր և արդիականացված տասը մեքենաներ: Կլինեն նաև աջակցության այլ ծրագրեր: Ինչ վերաբերում է ապահովագրության համակարգի ներդրմանը, ապա մենք ևս կարևորում ենք դրա՝ սոցիալական ուղղվածություն ունենալու առաջնահերթությունը, և կարծում ենք, որ այն չպետք է դառնա սոսկ ֆինանսական շուկայի զարգացման առաջնահերթ գործիք: Համոզված եմ՝ այս հարցում ՀՀ կառավարության՝ առաջիկայում ընդունելիք որոշումը կլինի այդ տրամաբանության մեջ, և մեր համագործակցությունը նաև այս բնագավառում կարևոր հեռանկար կունենա»,- ասել է Ա. Թորոսյանը:

Այնուհետև զրուցակիցները մտքեր են փոխանակել գերատեսչությունների միջև կապերի խորացման, նոր տեխնոլոգիաների ներդրման, մասնագետների վերապատրաստման և մի շարք այլ հարցերի շուրջ։ Հանդիպմանը մասնակցել է նաև ԱՀ առողջապահության նախարար Արայիկ Բաղրյանը։

 

 

 

]]>
arturcom1@gmail.com (Super User) Պաշտոնական Mon, 04 Mar 2019 10:37:09 +0000