ԱՄԵՆԱՓԻՍ ՇԱՆՏՂԵՔԸ
Կրկին բարձրաձայն հայտարարում եմ՝ աշխարհի երեսին թուրքին ինձնից լավ ճանաչող չկա, թեպետ, իհարկե, ուրախությունս չափ ու սահման չէր ունենա, եթե լիներ։ Ուզում եմ ասել՝ ինչքան շատ, այնքան՝ լավ։ Չճանաչեցինք, էլի տանուլ ենք տալու, էլի կորցնելու ենք, էլի… մեղադրելու ենք ուրիշներին և թքելու ենք աշխարհի արդարության վրա…
Չե՞ք հոգնել… Դժվար չէ՞ այդպես ապրելը… Հայրս ասում էր՝ շանտղա էլ կա, շանտղա էլ, տրանք էն փիս շանտղոցանըն… Լհա հինչքան կարումս թիվանգդ սարած պահե, տենակտ՝ սոր… վեր կյան, ըռըչիտ պըպըլ-պապալ անին…
Ես էտ պըպըլ-պապալը շատ եմ տեսել։ Մեր բակում, մեր փողոցում, մեր քաղաքում… Եվ տասը տարեկանից դպրոց էի գնում հորս նվիրած փոքրիկ, ծալովի դանակը պայուսակիս խորքերում, գրքերիս ու տետրերիս կողքին թաքցրած… Եվ իմ դեմ խաղ-մաղ չկար։ Ես ամենաուժեղն էի իմ նմանների մեջ։ Բոլորն ինձ հետ էին ուզում դպրոց գնալ, դպրոցից վերադառնալ տուն։ Մի խոսքով, առանց ինձ ոչ մեկը ոչ մի տեղ չէր գնում։ Իսկ երբ մի հարձակման ժամանակ դանակս ցույց տվեց, թե ինչի է ընդունակ ինքը, ինչպիսի խուճապ կարող է առաջացնել մեզնից մի քանի անգամ շատ թուրք լակոտների շարքերում, ես ընկերներիս համար դարձա զորահրամանատարի նման մի մարդ՝ արժան պաշտամունքի ու մեծարման։ Բայց դա չէր կարևորը, կարևորն այն էր, որ այդ մարտական գործողություններից հետո ընկերներիս բոլորի պայուսակում նման դանակ հայտնվեց։ Մեկը, նույնիսկ, դրանից երկուսն ուներ։ Տարբեր չափերի։ Մեծը՝ պայուսակում, փոքրը՝ գրպանում։ Եվ միայն դրանից հետո սկսվեց թուրքի, հորս ասած, այդ պըպըլ-պապալը։ Քծնանքը։ Քսմսվելը։ Մեզ հետ «եղբայրություն» անելը։ Միայն հայրս էր գուշակել այդ «խաղաղություն» առեղծվածը՝ կարողա՞ հընգերոցդ ծեռքին էլ տենակ կա… Իսկ ես հենց մանկությունից պարզեցի մի քանի կարևոր բան, որը հետագայում ինձ օգնում էր ապրել, դիմադրել, պաշտպանվել, իսկ, եթե պահանջվում էր՝ նաև հարձակվել.
ա. Իմ հասակակից թուրքը, ինչպես նաև հորս հասակակից թուրքը, այսինքն՝ մեծ ու փոքր թուրքը, զենք ունեցողից սարսափում է։
բ. Իմ հասակակից թուրքը, ինչպես նաև հորս հասակակից թուրքը, երբեք մենակ կամ երկուսով, անգամ չորս-հինգ հոգով մեկի վրա չի գնում։ Նրա հարձակման հավանականությունը ՈՀՄԱԿՆ է։
գ. Իմ հասակակից թուրքը, ինչպես նաև հորս հասակակից թուրքը հարձակումից առաջ խոսում է հավերժական, անգամ դարավոր բարեկամությունից ու եղբայրությունից։
դ. Իմ հասակակից թուրքը, ինչպես նաև հորս հասակակից թուրքը, հարձակվում է, երբ դու սկսում ես հավատալ այդ եղբայրությանն ու բարեկամությանը։
ե. Իմ հասակակից թուրքը, ինչպես նաև հորս հասակակից թուրքը, ունի մտավոր խնդիրներ, վախկոտ է, ստոր, գող, քաղաքակրթության տարածքից դուրս։
զ. Իմ հասակակից թուրքը, ինչպես նաև հորս հասակակից թուրքը, ինձ համարում է աշխարհի երեսին իր միակ, եզակի, ոխերիմ թշնամին։
է. Իմ հասակակից թուրքը, ինչպես նաև հորս հասակակից թուրքը, ամեն օր, ամեն ժամ, ամեն վայրկյան ուզում է սպանել ինձ։
Իսկ ե՞ս… ես պաշտում եմ խաղաղությունը, չեմ կասկածում, որ քաղաքակրթությունն առանց ինձ կլիներ պռատ ու անհասկանալի: Ես գիրք գրող եմ, եկեղեցի շինող, ծաղկող, կարող եմ ներել իմ թշնամիներին ու աղոթել նրանց համար, ես թշնամու կանանց ողջ և առողջ վերադարձնում եմ իրենց տիրոջը, ես չեմ գնում ուրիշի երկրի վրա, ես միշտ փորձում եմ պաշտպանվել, իմ պարտությունների մեջ մեղադրել բոլորին, բացի ինձնից՝ չկասկածելով անգամ, որ կորցրել եմ դանակս, որ պահում էի իմ դպրոցական պայուսակում՝ գրքերիս ու տետրերիս կողքին…
Չեմ կարծում, որ շարունակելը տրամաբանական է… Որովհետև… որովհետև չէի հասկանում, որ քաղաքակրթության այբուբենի առաջին տառը զենքն է… նետ ու աղեղը… թիվանգը… դանակը… քարից, երկաթից… չգիտեմ էլ ինչից… Եթե ուրիշ կարծիք կա՝ խնդրեմ… Պատրաստ եմ լսել, դա նույնիսկ հետաքրքիր է…
Իսկ 88-ին մենք հասկացել էինք, որ մեր քաղաքակրթությունը զենքի կարիք ունի, զինվորի, հրամանատարի, ռազմական գործչի, որ քաղաքակրթությունը նաև բանակ է… Եվ հաղթեցի՞նք, չէ՞, համոզեցի՞նք, չէ՞, որ կարող ենք, որ ուժեղ ենք, որ մեզնից վախենում են… ապացուցեցի՞նք, չէ՞, որ թուրքը նույն թուրքն է, ոհմակի, վայրենու տրամաբանության մեջ…
Հիշո՞ւմ եք, ասկյարը զինվոր չէ… զինվորը մեծ բան է, շա՜տ մեծ…
Ինձ իր հավերժական թշնամին համարողը ասկյարն է… փոքր թուրքն էլ, մեծն էլ, մեռածն էլ… Եվ ես իրավունք ունե՞մ, չէ՞, ասել, որ թուրքն իմ թշնամին է… որ նրա հետ հարևանություն-ընկերություն անելն ուղղակի կործանման տանող ճանապարհն է, որ նրա կողքին անզեն ապրելը ինքդ քեզ մահվան դատավճիռն է, և խաղաղությունն էլ ամենաանգույն ու ձանձրալի հեքիաթն է… երբևէ հորինված ամենամեծ սուտը…
Եզակի ճիշտը, ինչքան մտածում եմ, և տարիներն էլ անդադար համոզում են, հորս ասածն է՝ շանտղա էլ կա, շանտղա էլ, բայց տահանք ըշխարքես ամենափիս շանտղեքնըն…
Նորեկ ԳԱՍՊԱՐՅԱՆ