Ադրբեջանը հրապարակել է 26 հայ ռազմագերիների անուններ, որոնց նկատմամբ քրեական հետապնդում է իրականացնում

Ադրբեջանը հրապարակել է 26 հայ ռազմագերիների անուններ, որոնց ներկայացնում է որպես «դիվերսանտներ» ու նրանց նկատմամբ քրեական հետապնդում իրականացնում։

Նախորդ օրը նրանց գործերն ուղարկվել են վարույթ և քննվելու են Բաքվի ծանր հանցագործությունների դատարանում: Այս մասին հայտնում է Սպուտնիկ Ադրբեջանի տելեգրամի էջը։

Հայ ռազմագերիներն են՝

Եղիշ Աստանյան
Կարեն Արամյան
Տիգրան Ավագյան
Հովսեփ Գևորգյան
Հովսեփ Մանուկյան
Գևորգ Մարտիրոսյան
Ռոբերտ Գևորգյան
Վաղարշակ Ավետիսյան
Վոլոդյա Հակոբյան
Անդրանիկ Սուքիասյան
Անդրանիկ Մանուկյան
Գրիգոր Սաղաթերյան
Էդուարդ Գիրագուսյան
Ռաֆիկ Կարապետյան
Գուրգեն Ղոլյան
Հրայր Թադևոսյան
Վաղարշակ Մալոյան
Սասուն Եղիազարյան
Արսեն Վարդանյան
Վահագն Բեհրեկյան
Սեդրակ Սողոմոնյան
Արման Դիլանյան
Մանուկ Մարտոյան
Վելս Անբարդանյան
Անդրանիկ Միքայելյան
Ֆելիքս Գրիգորյան։

Հիշեցնենք, որ հայ ռազմագերիների ազատ արձակումը նախատեսված է նոյեմբերի 9-ի եռակողմ հայտարարությամբ՝ բոլորը բոլորի դիմաց։ Հայաստանը վերադարձրեց ադրբեջանցի բոլոր ռազմագերիներին, նաև 2014-ին Արցախ ներթափանցած ու 2 մարդու սպանած՝ այդ թվում անչափահաս երեխայի, Դիլգամ Ասկերովին ու Շահբազ Գուլիևին, սակայն Ադրբեջանը հրաժարվում է վերադարձնել հայ ռազմագերիներին։