«Գյուղի և գյուղատնտեսության աջակցության» հիմնադրամի տնօրենը՝ պարենային ապահովման մասին
Պահեստներում առաջին անհրաժեշտության պարենային ապրանքների պակասություն չկա և առկա ռեսուրսների ճիշտ կառավարման համար համապատասխան միջոցներ են ձեռնարկվել: Մեզ հետ զրույցում այս մասին ասաց Արցախի Հանրապետության «Գյուղի և գյուղատնտեսության աջակցության» հիմնադրամի տնօրեն Հրանտ Սաֆարյանը: Նրա խոսքով՝ այս պահի դրությամբ գործում են հանրապետության ալրաղացներն ու հացի փռերը /հացատները/: «Ունենք գազով աշխատող հացի փուռ, որը գազամատակարման դեռ նախորդ անջատումների պատճառով դադարեցրել էր գործունեությունը: Պահեստում ունեցած պաշարն էլ առայժմ կբավականացնի»,-ասաց Հրանտ Սաֆարյանը: Նա նշեց, որ ամենօրյա ռեժիմով կապ են պահպանում շրջվարչակազմերի ղեկավարների հետ: «Շրջվարչակազմերի ղեկավարները, ինչպես նաև տնտեսվարող սուբյեկտները, ներկայացնում են պահանջարկը և մենք ապահովում ենք»,-ասաց «Գյուղի և գյուղատնտեսության աջակցության» հիմնադրամի տնօրենը:
ԱԱ