ԼՂՀ Սահմանադրության համաձայն, 2012թ. սեպտեմբերի 7-ին մայրաքաղաքի մշակույթի և երիտասարդության պալատի մեծ դահլիճում հրավիրվեց Ազգային ժողովի հատուկ նիստ՝ նվիրված Լեռնային Ղարաբաղի Հանրապետության Նախագահի պաշտոնի ստանձնման արարողությանը։ Նիստին մասնակցում էր ԱԺ 32 պատգամավոր։
Հայաստանի Հանրապետության մեծարգո Նախագահ,
Գերաշնորհ Սրբազան հայրեր,
Հարգարժան նախագահ Ղուկասյան,
Պարոնայք գեներալներ եւ սպաներ,
Սիրելի հայրենակիցներ,
Հարգելի հյուրեր,
Ստանձնելով Արցախի Հանրապետության Նախագահի պաշտոնը` ես քաջ գիտակցում եմ, թե ինչ հսկայական պատասխանատվություն եմ վերցնում, պատասխանատվություն` հայրենի երկրի, հարազատ ժողովրդի ճակատագրի հանդեպ: Ես պատրաստ եմ ու հաստատակամ` կյանքի կոչելու իմ նախընտրական ծրագրի հիմնադրույթները, Արցախը առաջ տանելու կայուն եւ համակողմանի զարգացման ճանապարհով: Կշարունակեմ ծառայել մեր հայրենիքի հետագա զորացման ու բարգավաճման գործին, անել հնարավորը, որպեսզի մեր քաղաքացիների կյանքը լինի ավելի բարեկեցիկ ու ապահով: