ԱՐՑԱԽՅԱՆ ՇԱՐԺՄԱՆ ԱՌԱՋԱՄԱՐՏԻԿՆԵՐԸ՝ ՙԳՐԻԳՈՐ ՆԱՐԵԿԱՑԻ՚ ՀԱՄԱԼՍԱՐԱՆՈՒՄ
Փետրվարի 19-ին Ստեփանակերտի ՙԳրիգոր Նարեկացի՚ համալսարանում ուսանողների տրամադրվածությունը տոնական էր։ Արցախյան շարժման 25-ամյակի առթիվ համալսարանում հյուրընկալվել էին Շարժման ջահակիրներ Արմո Ծատուրյանը, Ռազմիկ Պետրոսյանը, Վարդգես Բաղրյանը եւ Վոլոդյա Բեգլարյանը, ովքեր Շարժման օրերի իրենց նվիրական ու հետաքրքիր հուշերով կիսվեցին ուսանողության հետ. դրվագներ հիշեցին Շարժման օրերից, որոնք չկան գրված ոչ պատմությունում, ոչ էլ շատ-շատերի հուշերում։
- Published in Մշակույթ և կրթություն
Փետրվարյան տոնական օրերի շքերթում մի առանձին խանդավառությամբ է նշվում Մայրենիի օրը։ Եվ դա պատահական չէ. հայերենը մեր բազմադարյա պատմության ընթացքում միշտ էլ ունեցել է ազգափրկիչ նշանակություն։
Մայրենի լեզվի օրվա կապակցությամբ ԼՂՀ կրթության և գիտության նախարարությունը հայտարարել էր միամսյակ, որի շրջանակներում կազմակերպվում են բազմաբնույթ միջոցառումներ։ Այդ կապակցությամբ փետրվարի 19-ին Ստեփանակերտի հ.1 հիմնական դպրոցում հերթական անգամ կազմակերպվեց միջոցառում՝ նվիրված մայրենի լեզվին։ Միջոցառմանը ներկա էին դպրոցի տնօրենությունը, ԼՂՀ ՊՆ ռազմահայրենասիրական դաստիարակության և հասարակայնության հետ կապերի բաժնի պետ, գնդապետ Բարեղամ Մուրադյանը, քաղաքապետարանի ներկայացուցիչ Անահիտ Մեսրոպյանը և ուրիշներ։ 