[ARM]     [RUS]     [ENG]

Items filtered by date: Ուրբաթ, 08 Փետրվարի 2013

ՆՎԵՐՆԵՐ ԲԱՐԵՐԱՐԻ ԿՈՂՄԻՑ

 DSC_6421.jpg5-րդ տարին է, ինչ ՙԱմերիաբանկ՚ ՓԲԸ¬ի խորհրդի նախագահ, բարերար Ռուբեն Վարդանյանը, ով 2008 թ. հոկտեմբերի 16-ի արցախյան Մեծ հարսանիքի ժամանակ ստանձնել էր 250 զույգի քավորությունը, հերթական անգամ նշված ընտանիքներում ծնված երեխաներին տրամադրեց դրամական նվերներ։ Ստեփանակերտի ՙՆադեժդա՚ հանդիսությունների սրահում փետրվարի 8-ին կայացավ գումարների տրամադրման հանդիսավոր արարողություն։ Միջոցառմանը ներկա էին ԼՂՀ վարչապետ Արա Հարությունյանը, սոցապնախարար Նարինե Նարիմանյանը, Ռուբեն Վարդանյանի ֆոնդի ղեկավար Արտակ Մելքոնյանը, ՙԱմերիաբանկ՚¬ի տարածաշրջանային մասնաճյուղերի ղեկավար Հրաչյա Մալխասյանը, բանկի մանրածախ գործառությունների տնօրեն Արման Բարսեղյանը, շահագրգիռ կառույցների ներկայացուցիչներ, հյուրեր։

ՀԱՄԱՏԵՂ ԱՇԽԱՏԱՆՔԻ ԱՐԴՅՈՒՆՔՆԵՐԸ

DSCN9697.jpgՓետրվարի 7-ին Արցախում գտնվող՝ ՀՀ տնտեսական մրցակցության պաշտպանության պետական հանձնաժողովի պատվիրակությունը՝ նախագահ Արտակ Շաբոյանի գլխավորությամբ, կառավարության նիստերի մեծ դահլիճում ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի հետ անցկացրեց ավանդական դարձած համատեղ նիստ։ Պատվիրակության անդամներին ողջույնի խոսք ասաց Արցախի կարգավորող մարմնի ղեկավար Հակոբ Ղահրամանյանը՝ նշելով, որ համատեղ նիստի նպատակը համագործակցության շրջանակներում կարգավորող պետական երկու հանձնաժողովների 2012թ. կատարած աշխատանքների ամփոփումն է և 2013թ. համատեղ աշխատանքային ծրագրի նախանշումը։ Նիստը վարեց հայաստանյան  հանձնաժողովի նախագահ Ա. Շաբոյանը։ 

Ո՞Ր ՄԵԿՆ Է ԻՍԿԱԿԱՆ ՋՈՆ ՔԵՐԻՆ. ԱՄԵՐԻԿԱՅԻ ՆՈՐ ՊԵՏՔԱՐՏՈՒՂԱՐԸ

Մի քանի շաբաթ առաջ, երբ սենատոր Ջոն Քերիի անունն առաջին անգամ հիշատակվեց որպես պետքարտուղար Հիլարի Քլինթոնի հնարավոր իրավահաջորդ, ես հայերին զգուշացրի` չափից ավելի չոգևորվեն, որ հայ համայնքի ՙլավ բարեկամը՚ կարող է ստանձնել նման ազդեցիկ պաշտոն:
Շատ ժամանակ չպահանջվեց, որպեսզի զգուշության մասին իմ խոսքերը լիովին արդարացվեին: Չնայած հայկական հարցերի առնչությամբ Ջոն Քերիի աջակցության 30-ամյա տարեգրությանը, անցյալ շաբաթ, նոր պաշտոնն ստանձնելու հենց սկզբում նա ապացուցեց, որ նույնիսկ նման մտերիմ ՙբարեկամը՚ կարող է փոխել իր վաղեմի համոզմունքները՝ հիասթափեցնելով ամերիկահայ համայնքին:

ՇԱՐԺՄԱՆ ԳԱՂԱՓԱՐԱԿԱՆ ՀԻՄՔԸ ՆԱԽԱՊԱՏՐԱՍՏՎԵԼ ԷՐ ԱՎԵԼԻ ՎԱՂ

1121.jpgՂարաբաղյան շարժման հուժկու ալիքը չէր կարող շրջանցել Հադրութի շրջանը, որտեղ միացման գաղափարի առաջամարտիկների կողմից Շարժումից ավելի վաղ ծրագրվել և հետագայում կյանքի է կոչվել Մայր հայրենիքից արհեստականորեն անջատված հայկական հատվածի՝ բնօրրան վերադարձնելու գաղափարը։ Շրջանն ունեցել է մի խումբ նվիրյալներ, ովքեր իրենց հետևից տանելով հասարակ ժողովրդին՝ ղեկավարել և ուղղորդել են նրա պայքարը։ 

ՇԱՐԺՈՒՄ. ԻՐԱԴԱՐՁՈՒԹՅՈՒՆՆԵՐԻ ԺԱՄԱՆԱԿԱԳՐՈՒԹՅՈՒՆ

P2200133.jpgԱդրբեջանի ղեկավարությունը Ստեփանակերտ և մարզի շրջաններ է մտցրել միլիցիայի լրացուցիչ ուժեր՝ Լեռնային Ղարաբաղին հարակից ադրբեջանաբնակ շրջաններից, ինչն էլ տեղի է տվել ԼՂԻՄ  աշխատավորների արդարացի բողոքին։ 
Փետրվարի 16. Վաղ առավոտից քաղաքի արդյունաբերական ձեռնարկությունների բանվորները, լքելով իրենց աշխատատեղերը՝ հավաքվել են կենտրոնական հրապարակ (մինչ այդ հանրահավաքներն անց էին կացվում աշխատանքային օրն ավարտելուց հետո միայն)։ Հանրահավաքի գլխավոր պահանջը ժողպատգամավորների մարզային խորհրդի նստաշրջանի հրավիրումն էր, ուր պիտի  վերջնականապես քննարկվեր մարզը Հայաստանին վերամիավորելու հարցը։ 

ՇԱՐՈՒՆԱԿՎՈՂ ԵՐՋԱՆԿՈՒԹՅՈՒՆ

 8_1_.jpgԱրցախի հանրային հեռուստատեսությամբ հնչող ՙԸնթրենք միասին՚ հեռուստածրագիրը լայն լսարան է ձեռք բերել շնորհիվ ծրագրի հիմնադիր և հեղինակ Մելանյա Սայիյանի։ Փողոցում շատերն են կանգնեցնում, արտահայտում իրենց կարծիքը, խորհուրդներ վերցնում, ինչպես նաև խորհուրդներ տալիս, զանգերն ու խնդրանքները բազմաթիվ են։ 

Հավակնություններից ու ամբիցիաներից հեռու այս կինը աշխատանքային գործունեության երկար ճանապարհ է անցել։ Աշխատանքային կենսագրությունը սկսել է ՙԽորհրդային Ղարաբաղ՚ թերթում որպես՝ մեքենագրուհի։ 18 տարեկան աղջկա՝ տնտեսագետ դառնալու երազանքը կիսատ մնաց, քանի որ առաջին տարում Երևանի պետհամալսարանի քննությունների մրցույթից դուրս մնաց, իսկ երկրորդ տարին նորից մասնակցելու հնարավորություն չունեցավ ընտանեկան հանգամանքների պատճառով. քույրն ու եղբայրը բարձրագույն կրթություն էին ստանում Երևանում, հայրը երրորդ ուսանողը պահելու հնարավորություն չուներ։
Subscribe to this RSS feed