ՍՏՈՐԱԳՐՎԵԼ Է ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ
Լաուրա ԳՐԻԳՈՐՅԱՆ
ՀՀ ԳԱԱ ՙՀայկենսատեխնոլոգիա՚ գիտաարտադրական կենտրոն պետական ոչ առևտրային կազմակերպության և ԱՀ ԿԳՄՍՆ Արցախի գիտական կենտրոնի միջև մայիսի 4-ին` Երևանում, ստորագրվել է համագործակցության մասին Հուշագիր։ Այն ստորագրել են ՀՀ ԳԱԱ ՙՀայկենսատեխնոլոգիա՚ ԳԿ ՊՈԱԿ-ի տնօրեն Աշոտ Սաղյանը և Արցախի գիտական կենտրոնի տնօրեն Անյուտա Սարգսյանը։
Սույն Հուշագրով Կողմերը համաձայնվում են իրականացնել փոխշահավետ գիտահետազոտական և գիտաարտադրական համագործակցություն կենսատեխնոլոգիայի բնագավառում, նպատակ հետապնդելով հզորացնել Արցախի գիտական կենտրոնի ներուժը և խթանել Արցախում տեղական արտադրության զարգացմանը: Հետազոտությունները կիրականացվեն Արցախի Հանրապետության բնական ռեսուրսների և բուսական բազմազանության հենքի վրա, օգտագործելով երկու Կողմերում առկա նյութատեխնիկական և սարքավորումային բազաներն ու գիտական ներուժը: