ՍՊՈՐՏԸ` ԵՐԵԽԱՅԻ ԱՌՈՂՋՈՒԹՅԱՆ ԳՐԱՎԱԿԱՆ

Խմբերից 13-ը Մարտունի քաղաքից են, մյուս 11¬ը` Քերթ, Գիշի, Կաղարծի, Ննգի, Ճարտար, Խնուշինակ, Մաճկալաշեն, Հերհեր գյուղերից: Բոլոր  խմբերում ընդգրկված են 300 պատանիներ:

Վ. Ղահրամանյանը  իրազեկեց, որ 2011-12 ուստարում  վոլեյբոլի 5 և  թեթև աթլետիկայի 1 խմբերում ընդունվել են 89 սաներ։ Նույն տարում 4 ուսումնամարզական խմբեր (47 հոգի) ավարտել են ուսումը: Մարզադպրոցի տարեկան պլանի համաձայն անց են կացվել ներդպրոցական մրցումներ աթլետիկա, բասկետբոլ, ձեռքի գնդակ, սեղանի թենիս, վոլեյբոլ, ֆուտբոլ մարզաձևերից: 

Այստեղ մշտական  ուշադրության կենտրոնում են  պահվում մարզադահլիճների և մարզահրապարակների սանիտարական վիճակը, ինչպես նաև սովորողների անձնական հիգիենայի հարցերը։ Նոր ընդունված 89 մարզիկներն անցել են համապատասխան բուժզննում: Դպրոցի սաները սպորտային զգալի հաջողությունների են հասել։  2011-12 ուստարում ազատ ոճի ըմբշամարտի խմբի սաներից 4 հոգի հանրապետական առաջնությունում գրավել են 2-րդ, 3 հոգի` 3-րդ մրցանակային տեղերը։ Աթլետիկայի մարզիչ-մանկավարժ Հրանուշ Բաբաջանյանի երկու սաներ, շրջանի հավաքական կազմում մասնակցելով ԼՂՀ առաջնությանը, զբաղեցրել են 2-րդ և 3-րդ տեղերը:  Ֆուտբոլային թիմը 1999թ. ծնված և փոքր տարիքի պատանիների միջև կայացած ՙՀուսո գավաթ՚ փառատոնի ժամանակ գրավել է 2-րդ,  իսկ դպրոցական սպարտակիադայում՝  3-րդ տեղը: Այդ թիմից 3 հոգի  ընդգրկված են ԼՂՀ հավաքականի կազմում։  Վոլեյբոլի մարզիչ-մանկավարժ Մելիք Ահարոնյանի սաները նույնպես աչքի են ընկել դպրոցական սպարտակիադայում. պատանիների թիմը գրավել է 2-րդ, իսկ աղջիկներինը` 3-րդ տեղը: Նույն թիմը մասնակցելով ԼՂՀ 1995թ. ծնված և փոքր տարիքի աղջիկների միջև վոլեյբոլի առաջնությանը, գրավել է 3-րդ տեղը: Աղջիկներից երկուսն ընդգրկվել են ԼՂՀ հավաքականի կազմում, որը համապատասխան տարիքի ՀՀ առաջնությունում գրավել է 1-ին տեղը: 

Մարզիչ-մանկավարժ Ռաֆիկ Գասյանի ձեռքի գնդակի տղաների թիմը՝ հանդես գալով սպարտակիադայում, գրավել է 1¬ին, իսկ աղջիկներինը` 3-րդ տեղը: Պատանիներից և աղջիկներից երկուական հոգի ընդգրկված են ԼՂՀ հավաքականի, իսկ աղջիկներից Մերի Սարգսյանը` ՀՀ հավաքականի կազմում: 

Սեղանի թենիսի խումբը, մասնակցելով 1994թ. ծնվածների և փոքր տարիքայինների միջև, մրցումներին ԼՂՀ 2012թ. առաջնությունում գրավել է 2-րդ մրցանակային տեղը, իսկ անհատական պայքարում   Արմեն Ալեքսանյանը գրավել է 2-րդ տեղը: Բասկետբոլի աղջիկների թիմը սպարտակիադայում  զբաղեցրել է 3-րդ մրցանակային տեղը: 

 

Կարինե ԴԱԴԱՄՅԱՆ