ՊԵՏԱԿԱՆ ՇԱՀԵՐԻՆ ՀԵՏԱՄՈՒՏ
ՀՅԴ-ն նշեց կուսակցության 122-ամյակը
Աշխարհի տարբեր անկյուններում այս օրերին հայ հանրությունը նշում է ՀՅԴ 122-ամյակը: Դեկտեմբերի 13-ին Ստեփանակերտի մշակույթի և երիտասարդության պալատում ևս նշվեց Հայ Հեղափոխական Դաշնակցության ստեղծման հերթական տարեդարձը: Տոնական միջոցառմանը ներկա էին ԼՂՀ ԱԺ նախագահ Աշոտ Ղուլյանը, փոխվարչապետ Արթուր Աղաբեկյանը, պաշտոնատար այլ անձինք:
ՀՅԴ-ն այսօր գործում է ՀՀ-ում, Արցախում, աշխարհի շուրջ 40 երկրներում: Դեռևս Հայոց ցեղասպանության հիսուներորդ տարեդարձի առիթով Սփյուռքի բոլոր համայնքներում Դաշնակցությունը կազմեց հատուկ հանձնախմբեր, որոնք կոչվեցին ՀՅԴ Հայ Դատի հանձնախմբեր, որոնք եւ գործում են առ այսօր:
- Published in Քաղաքական
Դեկտեմբերի 12-ին շարունակվեց ԼՂՀ 2013թ. պետբյուջեի նախագծի քննարկումը ԱԺ խմբակցություններում։ Օրվա առաջին կեսին Ժողովրդավարություն՚ խմբակցությունն ու ֆինանսաբյուջետային և տնտեսական կառավարման հարցերի մշտական հանձնաժողովը համատեղ նիստ անցկացրին, որին ներկա էր ԼՂՀ ֆինանսների և էկոնոմիկայի նախարար Սպարտակ Թևոսյանը։ Խմբակցության ղեկավար Ժաննա Գալստյանը նախ հիշեցրեց, որ խորհրդարանի մշտական հանձնաժողովներում շահագրգիռ քննարկումներ արդեն ծավալվել են, որոնց մասնակցել են խմբակցության անդամները, ուստի և, առաջարկեց անմիջապես անցնել հարցերին։ 
Արցախի երիտասարդության զարգացման կենտրոն՚ ՀԿ-ն օրերս հերթական անգամ այցելեց Ստեփանակերտի Ք. Քոքսի անվան վերականգնողական կենտրոն։ Հանդիպման նպատակն էր այցելել Կենտրոնի հաշմանդամներին, շփվել, զրուցել և օգնություն առաջարկել։