ՆՈՐ ՄՈՏԵՑՈՒՄՆԵՐ ԳՅՈՒՂԱՏՆՏԵՍՈՒԹՅԱՆ ԱՋԱԿՑՈՒԹՅԱՆ ՊԵՏԱԿԱՆ ՔԱՂԱՔԱԿԱՆՈՒԹՅԱՆ ՄԵՋ
Այն, որ գյուղատնտեսության զարգացման ծրագրերին միլիարդավոր դրամի միջոցներ են ուղղվում` Արցախում բոլորն էլ համարում են օրինաչափ: Ի վերջո, տնտեսության այդ ճյուղը ռազմավարական է հռչակված, իսկ ոլորտում հաջողությունների հասնելու անհրաժեշտությունն էլ շատ դեպքերում հիմնավորվում է ոչ միայն տնտեսական եւ սոցիալական փաստարկներով: Խնդրի կարեւորության գիտակցումով էլ դեռ 4-5 տարի առաջ գյուղատնտեսության այս կամ այն ճյուղի զարգացմանն ուղղված մի շարք պետական ծրագրեր են մեկնարկել: Դրական տեղաշարժ կա, բայց ունեցած ցուցանիշները դժվար է ոլորտի զարգացմանն ուղղված միջոցներին համարժեք համարել: Կառավարությունն առաջարկում է նոր մոտեցումներ գյուղատնտեսության զարգացման հարցում:
- Published in Տնտեսական
Անցած դեկտեմբերին ԼՂՀ կառավարությանը հավանությանն են արժանացել զբաղվածության կարգավորման 2013թ. պետական ծրագիրը և դրանով նախատեսված միջոցառումների ցանկը։ Ծրագրի նպատակն է բնակչության լրիվ և արդյունավետ զբաղվածության ապահովման համար պայմանների ստեղծմանն ուղղված միջոցառումների իրականացումը, զբաղվածության խթանումը։ 
REGNUM ԼԳ-ին Ալեքսանդր Յուրևիչ Սկակովի տված չափազանց բովանդակալից հարցազրույցը վերնագրված է այսպես. ՙԼեռնային Ղարաբաղին հարվածելու մասին սկզբունքային որոշումը Բաքվում արդեն ընդունված է՚։ ՙՀարցը ժամկետներում է՚, պարզաբանում է հեղինակը։ Ոչ լիովին է պարզ, թե ում է պատկանում վերնագիրը. նրա՞ն, թե՞ խմբագրությանը (Ալեքսանդր Սկակովի հարցազրույցի վերնագիրը պատկանում է խմբագրությանը և բխեցված է հարցազրույց տվող փորձագետից մեջբերումին ճշտիվ համապատասխան.- REGNUM ԼԳ), բայց ուշադրություն գրավելու նպատակին հասել է։
Օրերս ներկա եղանք մի հետաքրքիր միջոցառման: ՀՀ ագրարային համալսարանի Արցախի մասնաճյուղի ղեկավարությունը, ընդառաջելով ուսխորհրդի ցանկությանը, կազմակերպել էր կլոր սեղան, որտեղ բուհի դասախոսներից և ուսանողներից բացի ներկա էին ԼՂՀ գյուղատնտեսության, կրթության և գիտության նախարարները, Գյուղի և գյուղատնտեսության աջակցության հիմնադրամի տնօրենը և ուրիշներ: Դա բուհի ուսխորհրդի նախաձեռնությամբ վերջերս ստեղծված ՙԵրիտասարդ գյուղատնտեսներ՚ շարժման անդրանիկ հավաքն էր, որտեղ շահագրգիռ կազմակերպությունների ղեկավարների ու ներկայացուցիչների մասնակցությամբ քննարկվեց ՙԻնչպես երիտասարդներին ներգրավել գյուղատնտեսության մեջ և ընդհանրապես, ինչպես երիտասարդությանն ամրացնել գյուղում՚ թեման։ 
Ե՞րբ էր...Թվում է թե ընդամենը երեկ էր, անցած օրը, միայն թվում է...
Տարիներ առաջ էր, նա մեր համալսարանի նախապատրաստական կուրսում էր դեռ սովորում, երբ իր առաջին ստեղծագործությունները ներկայացրեց բուհի ՙՆարեկ՚ հանդեսին: Կարդացի բանաստեղծությունները, հավանեցի, որոշակի ուղղություններ տվեցի: Ինչպես հեքիաթում, օր օրի աճում էր նա, զարմանահրաշ աղջիկ էր՚,- այսպես սկսեց իր խոսքը ՙԳրիգոր Նարեկացի՚ համալսարանի ռեկտոր, բանասիրական գիտությունների դոկտոր, պրոֆեսոր Վարդան Հակոբյանը երիտասարդ բանաստեղծուհի Սոնա Համբարձումյանի մասին, ով վերջերս համահայկական (Հայաստան-Արցախ-Սփյուռք) ստեղծագործող ուսանողների մրցույթում, ԵՊՀ-ի ուսանողուհի Հռիփսիմե Գալստյանի հետ միասին, գրավեց մրցանակային առաջին տեղը: 
Միակ բանը, որ դուրս է մարդու իշխանությունից, դա ժամանակն է: Այն միշտ առաջ է սլանում ու երբեք հետ չի նայում: Փոխում է շրջապատում ամեն ինչ, նոր խնդիրներ դնում մեր առջև և օգնում լուծել դրանք: