Հայաստանի Հանրապետությունից ժամանած, տարբեր լրատվամիջոցներ ներկայացնող երկու տասնյակից ավելի լրագրողների թույլատրվեց աշխատանքային մեկ օր լինել առաջնագծում, շփվել դիրքապահների հետ ու անձամբ ծանոթանալ նրանց ծառայողական պայմաններին։
Արցախի Հանրապետության արտաքին գործերի նախարար Մասիս Մայիլյանը շնորհավորական ուղերձ է ստացել Աբխազիայի Հանրապետության արտաքին գործերի նախարար Դաուր Կովեից Արցախի Հանրապետության արտաքին գործերի նախարարության հիմնադրման 25-ամյակի կապակցությամբ:
Ֆրանսիայի իշխանությունները չեղարկել են Ադրբեջանին պաշտպանական նշանակության արտադրանքի վաճառքի նկատմամբ սահմանված բազմամյա արգելքը, այդ երկրի ռազմաարդյունաբերական ընկերություններն արդեն անցել են մարքեթինգային աշխատանքներին: Հուլիսի 10-ին նման բարձրագոչ նորությամբ հանդես եկան ադրբեջանական ԶԼՄ-ները։ Որպես սկզբնաղբյուր մատնանշվում էր AzeriDefence կայքը, որն իր հերթին հղում էր անում ռազմական անանուն աղբյուրին։
Հուլիսի 23-ին երկօրյա այցով Արցախում էր ՀՀ տնտեսական զարգացման և ներդրումների նախարար Արծվիկ Մինասյանը` գերատեսչության մի խումբ պատասխանատուների հետ։ Նրանք հյուրընկալվել են գործընկեր կառույցի՝ ԱՀ էկոնոմիկայի և արտադրական ենթակառուցվածքների նախարարությունում։
ՀՀ աշխատանքի և սոցիալական հարցերի նախարարության աշխատանքի և սոցիալական հետազոտությունների ազգային ինստիտուտի և ԱՀ աշխատանքի, սոցիալական հարցերի ու վերաբնակեցման նախարարության ժողովրդագրության վարչության հետ համատեղ իրականացվեց ՙԱրցախի Հանրապետության ժողովրդագրական հիմնախնդիրների ուսումնասիրություն. զարգացման ուղիները՚ հետազոտական ծրագիրը։
Ցորենը հնագույն մշակաբույս է, մարդն այն սկսել է օգտագործել 7 հազար տարի առաջ, իսկ նրանից հաց թխել՝ 4 հազար տարի առաջ։ Այն մեր օրգանիզմի ամենաանհրաժեշտ և օգտակար բույսն է: Ցորենը մի ուրիշ առավելություն էլ ունի. միակ մշակովի բույսն է, որն աճում և բերք է տալիս բոլոր մայրցամաքներում։
