Կառավարության նիստերի դահլիճում ՙԱրցախգազ՚ ՓԲԸ-ի օրերս կայացած տարեկան ընդհանուր ժողովում ներկայացվել է ընկերության՝ 2013թ. տարեկան հաշվետվությունը։ Ժողովին ներկա էին վարչապետ Արա Հարությունյանը, արտադրական ենթակառուցվածքների նախարար Հակոբ Ղահրամանյանը, ԱԺ պատգամավորներ և կառավարության անդամներ, ՙԱրցախգազ՚ ՓԲԸ աշխատակիցներ։ 
Քաշաթաղի շրջանում հունիսի 16-ի դրությամբ գարնանացանի աշխատանքներն ամբողջությամբ ավարտվել են: Սկսվել է հացահատիկի բերքահավաքը: 
Թուրքական և ադրբեջանական ճակատներում հակահայկական քարոզչությունը, մեդիա փորձագետ Սամվել ՄԱՐՏԻՐՈՍՅԱՆԻ գնահատմամբ, զգալի փոփոխություններ է կրել: Թուրքական կողմում նկատված որոշ տեղաշարժը կապվում է Էրդողանի ցուցադրական ելույթի հետ, որի նպատակը աշխարհի առջև մեծահոգի երևալն էր, սակայն փորձագետը խորհուրդ է տալիսս հիշել մինչ այդ կատարված դեպքերը: Ստեփանակերտի Սուրբ Հակոբ եկեղեցուց դեպի թիվ 10 դպրոց ձգվող ճանապարհը վերջին տարիներին տեղացած հորդ անձրևների ու հեղեղումների պատճառով գրեթե դուրս է եկել շարքից, ավտոմեքենաների համար դարձել դժվարերթևեկելի: Այս առնչությամբ բնակչության արդարացի բողոքները հասան իրենց նպատակին, և իշխանությունները համապատասխան միջոցներ ձեռնարկեցին փողոցը բարեկարգելու և պատշաճ տեսքի բերելու ուղղությամբ:
Մայրաքաղաքի արտաքին լուսավորման ծրագրի համաձայն՝ Ստեփանակերտում շարունակվում են ծայրամասային փողոցների (թաղամասերի) այդ ուղղությամբ տարվող աշխատանքները:
Ղեկավարվելով ՙՏեղական ինքնակառավարման մասին՚ ԼՂՀ օրենքի համապատասխան հոդվածով և ելնելով Ստեփանակերտ քաղաքի տարածքում հակահրդեհային կանխարգելիչ միջոցառումների անցկացման անհրաժեշտությունից, քաղաքապետ Սուրեն Գրիգորյանը որոշում է ստորագրել նման միջոցառումների իրագործման մասին։