ԱՇՆԱՆԱՑԱՆ` ԳՈՀԱՑՈՒՑԻՉ ԱՐԴՅՈՒՆՔՆԵՐ
Հադրութի շրջանի համայնքներում ավարտին է հասցվել աշնանացան մշակաբույսերի ցանքսը, որի արդյունքներն, ըստ շրջվարչակազմի աշխատակազմի գյուղատնտեսության, հողաշինարարության և հողօգտագործման բաժնի վարիչ Ստեփան Հակոբյանի, գոհացուցիչ են։
Շրջանում կատարվել է 12537,5 հա հերկ, 12475,5 հա ցանքս, որից 2975,5 հա-ն` գյուղամերձ սեփականաշնորհված և վարձակալված վարելահողերում, 9200 հա-ն` ՊՊՖ վարձակալված վարելահողերում: Այդ տարածքներում ցանվել է 7667 հա գարի, 4508,5 հա ցորեն։ Կատարվել է նաև 26,5 հա կորնգանի ցանքս։ Չօգտագործված հերկի տարածքները կցանվեն 2018 թվականին գարնանացան մշակաբույսերի ցանքսի տակ։ Առաջիկայում աշնանացան մշակաբույսերի խնամքի և վնասատուների դեմ պայքարի աշխատանքներն են:
Էդիկ ԴԱՎԹՅԱՆ
ք.Հադրութ