ԿԱՌՈՒՑՎՈՒՄ Է ԵՎՍ ՄԵԿ ՄԱՆԿԱՊԱՐՏԵԶ
Ստեփանակերտի Տիգրան Մեծ 33 շենքի առաջին հարկի ոչ բնակելի տարածքը վերափոխվում է՝ մանկապարտեզ դարձնելու համար։ Խորհրդային տարիներին նշված տարածքում գործում էր Ստեփանակերտի հայտնի ռեստորաններից մեկը (ՙԳարուն՚): Արցախի Հանրապետության քաղաքաշինության նախարարության պատվերով ՙԳրանդ Բիլդինգ՚ նախագծող ընկերությունը մշակել է նոր մանկապարտեզի նախագիծը:
Ներկայում ՙԱրաքս գրուպ՚ կապալառու կազմակերպությունն այնտեղ ապամոնտաժման աշխատանքներ է իրականացնում:
Նախադպրոցական հաստատության համար նախատեսված տարածքի ընդհանուր մակերեսը 760քմ է: Գործելու է 3 խումբ: Նախատեսվում է հաստատությունը կառուցել արդի չափանիշներին համապատասխան` որակյալ շինանյութերով, էվակուացիոն ելքով, առանձին խմբերի համար` ննջարաններով, խաղասրահներով ու սանհանգույցներով:
Մանկապարտեզին հատկացված տարածքը կբարեկարգվի, իսկ հետագայում՝ ամբողջությամբ կցանկապատվի։ Բակում բացօդյա խաղահրապարակ է կառուցվելու, կտեղադրվեն տաղավարներ, մանկական ատրակցիոններ:
Լաուրա ԳՐԻԳՈՐՅԱՆ