[ARM]     [RUS]     [ENG]

Մարտակերտում ջրամատակարարումը վերականգնվել է

Մարտակերտ քաղաքում վերականգնվել է ջրամատակարարումը: Այս մասին ՙՙԱզատ Արցախ՚՚-ի թղթակցին հայտնեց քաղաքապետ Միշա Գյուրջյանը:

ՙՙՄարտակերտի ջրամատակարարումն արդեն 2օր է, ինչ վերականգնվել է:Քաղաքի երկու թաղամասերում աշխատող արտեզյան ջրհորներում ցեխ էր կուտակվել: Այժմ աշխատանք է տարվում մաքրման ուղղությամբ՚՚,-մանրամասնեց Մարտակերտի քաղաքապետը՝ հավելելով, որ  մաքրման աշխատանքներից հետո, առաջիկա երկու օրվա ընթացքում ջրամատակարարումն ամբողջությամբ կկարգավորվի:

Ինչպես տեղեկացրել էինք ավելի վաղ  եղանակային  պայմանների հետևանքով  առանց ջրի էր մնացել Մարտակերտ քաղաքը։  Ջուրը բնակիչներին հասցնում էին մեքենաներով: 

Ոլորտի պատասխանատու Արսեն Միրզաբեկյանը հայտնել էր, որ խնդիրն առաջացել է ածուխի հանքի արտանետած թափոնների հետևանքով. ջրի խողովակները մնացել էին դրանց տակ: