Նոր ցուցանիշներ հացահատիկայինների բերքահավաքից
Լաուրա ԳՐԻԳՈՐՅԱՆ
Հանրապետությունում հնձման ենթակա 22 253,1 հեկտար հացահատիկային ցանքատարածությունից հնձվել է 4 393.7 հա-ն: ԱՀ էկոնոմիկայի և գյուղատնտեսության նախարարության աշխատակազմի բուսաբուծության և բույսերի պաշտպանության վարչության պետ Արամ Բադալյանի տրամադրած տեղեկության համաձայն` փաստացի հավաքված համախառն բերքը կազմել է 2 703.2 տոննա, որից ցորեն՝ 909,5 տոննա, գարի՝ 17 93.7 տոննա: Ա. Բադալյանի խոսքով՝ միջին բերքատվությունը մեկ հեկտարից կազմում է 6,2 ցենտներ։ Այսօրվա դրությամբ հացահատիկի դաշտերում աշխատում է 53 կոմբայն։
Ինչպես արդեն տեղեկացրել ենք, Արցախի Հանրապետությունում մեկնարկել և ընթացքի մեջ է հացահատիկային մշակաբույսերի բերքահավաքը:
Այս տարվա բերքի տակ՝ հանրապետության չորս շրջաններում (Ասկերան, Մարտակերտ, Մարտունի և Շուշի), կատարվել է հացահատիկի` 22 հազար 253 հա ցանքս, որից 10 հազար 922 հա-ը՝ ցորեն, 9 հազար 779 հա-ը՝ գարի և 1552 հա-ը՝ հաճար։