Կապիտալ վերանորոգվում է Մարտակերտի Վլ. Բալայանի անվան հ. 1 դպրոցի շենքը
Մարտակերտի Վլադիմիր Բալայանի անվան հ. 1 հիմնական դպրոցի շենքի կապիտալ վերանորոգման աշխատանքները շարունակվում են։ Առաջին փուլում շենքային պայմանների բարելավումն իրականացվում է դպրոցի մի հատվածում։ Հաջորդ փուլում արդեն նախատեսվում է մյուս հատվածի վերանորոգման և տարածքի բարեկարգման աշխատանքները։ Նշված հատվածի շինարարական աշխատանքների ավարտը նախատեսվում է մինչև ընթացիկ տարվա սեպտեմբերի 1-ը։ Շինարարական աշխատանքներն իրականացնում է «Կոմֆորտշին» ՍՊԸ-ն՝ ԱՀ կառավարության ֆինանսավորմամբ։
Արցախի Հանրապետության քաղաքաշինության նախարարություն