ԱԺ պետական-իրավական հարցերի մշտական հանձնաժողովի նախագահ Սևակ Աղաջանյանը հանդիպել է ՀՀ ԱԺ նույնանուն հանձնաժողովի անդամների հետ
Արցախի Հանրապետության ԱԺ պետական-իրավական հարցերի մշտական հանձնաժողովի նախագահ Սևակ Աղաջանյանը սեպտեմբերի 24-ին Արցախի Հանրապետության խորհրդարանական պատվիրակության՝ Հայաստանի Հանրապետություն կատարած այցի շրջանակում հանդիպել է ՀՀ ԱԺ պետական-իրավական հարցերի մշտական հանձնաժողովի անդամներին:
ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը կարևորել է ԱՀ Ազգային ժողովի նույնանուն հանձնաժողովի հետ համագործակցության խորացումը՝ նշելով, որ իր ղեկավարած հանձնաժողովը պատրաստակամ է ցուցաբերել տարատեսակ աջակցություն ու խորհրդատվություն, ինչպես նաև անցկացնել համատեղ նիստեր՝ ձևավորելիք միասնական օրակարգի շրջանակում: ԱՀ ԱԺ պետական-իրավական հարցերի մշտական հանձնաժողովի նախագահ Սևակ Աղաջանյանը նույնպես կարևորել է միջհանձնաժողովային կապերի ամրապնդումը՝ այդ համատեքստում ընդգծելով օրենսդրական փորձի փոխանակման անհրաժեշտությունը:
Քննարկվել են նաև երկուստեք հետաքրքրություն ներկայացնող այլ հարցեր: