[ARM]     [RUS]     [ENG]

Նախագահ Արայիկ Հարությունյանը ծանոթացել է նոր բնակավայրի հիմնադրման աշխատանքներին

Արցախի Հանրապետության նախագահ Արայիկ Հարությունյանը փետրվարի 13-ին այցելել է Ասկերանի շրջանի Աստղաշեն համայնքի վարչական տարածք և ծանոթացել նոր բնակավայրի հիմնադրման աշխատանքներին:

Պետական և բարեգործական միջոցներով կառուցվելիք շուրջ 200 նորակառույց բնակելի տները նախատեսված են շրջանի անօթևան մնացած ընտանիքների համար: ԱՀ Անվտանգության խորհրդի քարտուղարի, քաղաքաշինության և տարածքային կառավարման ու ենթակառուցվածքների նախարարների, ԱԺ պատգամավորների և շրջանի պատասխանատուների հետ միասին երկրի ղեկավարը տեղում ծանոթացել է ապագա բնակավայրի պայմաններին՝ ընդգծելով, որ բացի բնակարաններից ու դրանց կահավորումից, գյուղական համայնքներում հաստատվող անօթևան մնացած յուրաքանչյուր ընտանիքի կառավարությունը կտրամադրի տնտեսական գործունեություն ծավալելու անհրաժեշտ պայմաններ:

 

 

Շաբաթ, 13 փետրվարի 2021թ.