ՇԱՐՈՒՆԱԿՎՈՒՄ Է ԲԱԶՄԱԲՆԱԿԱՐԱՆԻ ՇԻՆԱՐԱՐՈՒԹՅՈՒՆԸ ՄԱՐՏՈՒՆԻ ՓՈՂՈՑՈՒՄ
Ստեփանակերտի Մարտունի փողոցում կառուցվող բազմաբնակարան շենքի շինհրապարակում ակտիվ եռուզեռ է: Արցախյան 44-օրյա պատերազմի հետևանքով վնասված շինության տեղում կառուցվող շենքի շինարարական աշխատանքները իրականացնում է «ՀԱԲԱՆԴ» ընկերությունը: Մեզ հետ զրույցում աշխղեկ Սամվել Նարինյանն ասաց.
«Ներկա պահին ընթանում են հիմքի բետոնալցման աշխատանքներ: Շենքը վեց հարկանի է լինելու, այն աստիճաններով բաժանվելու է երկու մասի: Հատվածներից մեկում 4 բնակելի, 1 ապաստարանային հարկ է լինելու, մյուսում 5 բնակելի, 1 ապաստարանային: Բազմաբնակարանի կառուցման աշխատանքները ֆինանսավորվում է ԱՀ կառավարության կողմից:
Բազմաբնակարան շենքը նախատեսվում է շահագործման հանձնել 2023 թվականին»:
Սերգեյ ՍԱՖԱՐՅԱՆ