ԱՇՈՏ ՂՈՒԼՅԱՆԸ ՀԱՆԴԻՊԵԼ Է ՀՀ ԱԺ ՆԱԽԱԳԱՀ ԳԱԼՈՒՍՏ ՍԱՀԱԿՅԱՆԻՆ
Արցախի Հանրապետության Ազգային ժողովի նախագահ Աշոտ Ղուլյանը հունիսի 12-ին Երեւանում հանդիպել է Հայաստանի Հանրապետության Ազգային ժողովի նախագահ Գալուստ Սահակյանին։Հայկական երկու պետությունների խորհրդարանների ղեկավարները քննարկել են օրենսդրական եւ քաղաքական գործունեությանն առնչվող հարցերի լայն շրջանակ։
Հանդիպմանը համաձայնություն է ձեռք բերվել ՀՀ եւ ԼՂՀ խորհրդարանների միջեւ համագործակցության գործող համաձայնագրով նախատեսված ծրագրերի խորացման վերաբերյալ։
Նշենք, որ ԼՂՀ 6-րդ գումարման ԱԺ նախագահի պաշտոնում Ա. Ղուլյանի վերընտրվելուց հետո միջխորհրդարանական ձեւաչափով այս հանդիպումն առաջինն էր։
ԼՂՀ Ազգային ժողովի
մամուլի ծառայություն