[ARM]     [RUS]     [ENG]

ՇԻՆԱՐԱՐՈՒԹՅՈՒՆԸ ՇԱՐՈՒՆԱԿՎՈՒՄ Է

Շարունակվում է Ասկերանի շրջանի Սարուշենի նախադպրոցական հաստատության շենքի շինարարությունը , որն սկսվել է 2014 թվականին:

 Մանկապարտեզի  համար նախատեսված միահարկ շենքն, ըստ նախագծի, համապատասխանում է արդի շինարարական չափանիշներին: Արդեն ավարտվել են տանիքի կառուցման, դռների և պատուհանների տեղադրման, ներքին կառուցվածքների և կոմունիկացիոն աշխատանքները: Ավարտվել է նաև ցանկապատի համար նախատեսված հենապատերի կառուցումը: 

Ներկայում շենքի ներքին և  արտաքին հարդարման աշխատանքներ են տարվում, որից հետո կբարեկարգվի բակը, և մանկապարտեզը կունենա  բացօդյա խաղահրապարակ: 

Սարուշենի նախադպրոցական հիմնարկը նախատեսված է 50 երեխայի համար,  այնինչ համայնքում ներկա դրությամբ նախադպրոցական տարիքի 30 երեխա կա:

Հավելենք, որ շինարարությունն իրականացվում է ԼՂՀ պետբյուջեի հաշվին: Պատվիրատուն և վերահսկողության պատասխանատուն ԼՂՀ քաղաքաշինության նախարարությունն է, իսկ կապալառուն՝ ՙՍտրոյ Պրոեկտ՚ ՍՊԸ-ն։   

Մանկապարտեզի շենքը շահագործման կհանձնվի գալիք տարի։

 

Լաուրա ԳՐԻԳՈՐՅԱՆ