ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

 Փաստաթուղթը   ստորագրել  են  ԱՀ  առողջապահության  նախարար  Կարինե  Աթայանը  և   ՀՕՖ-ի առողջապահական ծրագրերի ղեկավար Համբարձում  Սիմոնյանը։

Ըստ Կ.  Աթայանի`  համայնքային բուժքույրերի ունակությունների բարձրացման ծրագրի նպատակն է բարելավել առաջնային բուժօգնության և սպասարկման որակը, ապահովել դրանց մատչելիությունը գյուղական վայրերում։ Նախարարը   նաև նշել  է,  որ   ծրագիրն   իրականացվում  է   երկու   փուլով.  առաջին փուլը մեկնարկել է ս.թ.  գարնանը։ Ծրագրի շրջանակներում Արցախի առողջապահության նախարարության կողմից ընտրված  11  բուժաշխատող  ՀՀ առողջապահության ազգային ինստիտուտում վերապատրաստման   դասընթացներ   է    անցել, որոնք  էլ ստացած   փորձն  ու  գիտելիքները  փոխանցելու  են  գյուղական  բուժաշխատողներին։

Կ.  Աթայանի  խոսքով՝   Հայ օգնության ֆոնդը  նվիրատվության կարգով Տումու և Մեծ Թաղերի գյուղական բուժամբուլատորիաներին է տրամադրել  պուլսոօքսիմետր, գլյուկոմետր, թթվածնի տարա, ստրիպներ, Էլեկտրասրտագրության  (ԷՍԳ)   բժշկական սարքավորումներ։

ՀՕՖ-ի առողջապահական ծրագրերի ղեկավար Հ.  Սիմոնյանն  էլ   նշել  է, որ տարիների ընթացքում Արցախի հեռավոր համայնքներում երբեմն  ստիպված  են  լինում   առողջապահության պատասխանատվությունն  ստանձնել  բուժքույրերը՝ սահմանափակ ռեսուրսների պարագայում  իրականացնելով ընտանեկան  բժշկի  գործառույթներ: ՙԲուժքույրերի   դերն ու նշանակությունը կարևոր է, իսկ նրանց գիտելիքների և  ունակությունների ձեռքբերումը՝ անհրաժեշտություն: ՙՆոր մոտեցումներին, բժշկության  ոլորտի   վերջին  նորույթներին   տիրապետելու  համար    անհրաժեշտ  է   նրանց  հետ   անցկացնել   վերապատրաստման պարբերական դասընթացներ՚,-ընդգծել  է   Հ.   Սիմոնյանը։

Համայնքային բուժքույրերի ունակությունների բարձրացման ծրագրի    շրջանակներում   այս  տարի   դասընթացներին     կմասնակցի   Հադրութի, Մարտակերտի, Քաշաթաղի և  Քարվաճառի  շրջանների    թվով    120 բուժքույր:

Հադրութում    հունիսի  13-ից  արդեն  մեկնարկել են    դասընթացները. դրանց    մասնակցում  է  15 բուժքույր: Ծրագիրը  կիրականացվի   մինչև   2019  թվականը  ներառյալ։

Վեհանուշ ՀՈՎՍԵՓՅԱՆ