ՆՈՐ ԱՎՏՈԿԱՅԱՆԱՏԵՂԻՆԵՐ
Ընթացիկ տարում Ստեփանակերտի տարբեր փողոցներում կկառուցվեն 50 նոր ավտոկայանատեղիներ։ Այդ ուղղությամբ աշխատանքներն արդեն իսկ ընթացքի մեջ են: Ծրագիրը կյանքի է կոչվում ԱՀ քաղաքաշինության նախարարության պատվերով, պետբյուջեի միջոցներով։
Ստեփանակերտում օրեցօր ավելանում է ավտոմեքենաների թիվը։ Արցախում, ընդհանուր առմամբ, հաշվառված 28 հազար ավտոմեքենա կա, և այդ թիվն աճելու միտում ունի: Մայրաքաղաքի թե՜ կենտրոնական և թե՜ ծայրամասային փողոցները նախատեսված չեն այդպիսի երթևեկության համար: Վերոնշյալ գերատեսչությունից հավաստիացրին, որ նոր կայանատեղիները փոքրիշատե կիջեցնեն մայրաքաղաքում երթևեկության լարվածությունը։
Ինչ վերաբերում է փողոցների լայնացմանը՝ այն ոչ բոլոր փողոցներում է հնարավոր: Ստորգետնյա կամ վերգետնյա անցումներ կառուցելը ևս կապված է մեծ բարդությունների հետ. կան ստորգետնյա կոմունիկացիաներ, ինչպես նաև՝ մայթերն ու փողոցներն էլ լայն չեն։
Լաուրա ԳՐԻԳՈՐՅԱՆ