ՀԱՆՁՆԱԺՈՂՈՎԻ ՀԵՐԹԱԿԱՆ ՆԻՍՏԸ
Նունե ՀԱՅՐԱՊԵՏՅԱՆ
Մայիսի 14-ին կայացել է ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի հեթական նիստը, որը վարում էր Հանձնաժողովի նախագահ Միքայել Վիրաբյանը:
Օրակարգի առաջին հարցով Հանձնաժողովը, հիմք ընդունելով ՙԻրավական ակտերի մասին՚ ԼՂՀ օրենքի 71-րդ հոդվածը, փոփոխություն է կատարել էլեկտրաէներգիա արտադրող ընկերությունների կողմից առաքված էլեկտրաէներգիայի (հզորության) սակագների հաշվարկման մեթոդաբանության մեջ, որը սահմանում է էներգետիկական համակարգի էլեկտրաէներգիա ¥հզորություն) արտադրող խոշոր` 30 մեգավատտ և ավելի տեղակայված հզորություն ունեցող հիդրոէլեկտրակայանների ¥կասկադների) կողմից էլեկտրաէներգիայի մեծածախ շուկայում վաճառվող էներգիայի ¥հզորության) սակագների ձևավորման սկզբունքները:
Հաջորդ հարցով որոշում ընդունվեց ՙԼեվել Էներջի՚ ՍՊԸ-ին Քաշաթաղի շրջանի Ներքին Սուս
համայնքի տարածքում՝ Հագարի գետի ձախ ափին՝ 927,0 մետրից 873,0 մետր
գետահատվածքներում ՙԼուսին՚ փոքր հիդրոէլեկտրակայանում էլեկտրաէներգիայի (հզորության) արտադրության լիցենզիա տրամադրել մինչև 2036թ. մայիսի 14-ը գործողության ժամկետով, որից կառուցման ժամանակահատվածը նախանշված է մինչև 2021թ. մայիսի 14-ը: Ներկայացվել են նաև լիցենզավորված գործունեության պայմաններն ու նախատեսված վերահսկողական մեխանիզմները:
Մեկ այլ որոշմամբ, հաշվի առնելով ՙԷներջի ստրոյ՚ սահմանափակ պատասխանատվությամբ ընկերության ընթացիկ տարվա մայիսի 2-ի հայտը՝ Հանձնաժողովը ՍՊԸ-ին ՙԳետաշեն՚ փոքր հիդրոէլեկտրակայանում էլեկտրաէներգիայի (հզորության) արտադրության լիցենզիա է տրամադրել մինչև 2038թ. փետրվարի 14-ը գործողության ժամկետով, որից մինչև 2023 թվականի փետրվարի 14-ը կառուցման համար ժամանակահատվածն է: Այն գործելու է Շահումյանի շրջանի Նոր Գետաշեն և Նոր Բրաջուր համայնքների վարչական տարածքներում՝ Թարթառ
գետի 1271-1146 մետր գետահատվածքների բնական ջրահոսքում:
Հանձնաժողովը նաև փոփոխություն է կատարել Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի նիստերի նախապատրաստման և անցկացման կարգում: