ՀԱՆՁՆԱԺՈՂՈՎԻ ԱՐՏԱՀԵՐԹ ՆԻՍՏՈՒՄ
Լաուրա ԳՐԻԳՈՐՅԱՆ
Մայիսի 31-ին ԱՀ կենտրոնական ընտրական հանձնաժողովը հրավիրել է արտահերթ նիստ, որը վարում էր ԿԸՀ նախագահին փոխարինող Եղիշե Արզումանյանը։ Ներկա էին ԿԸՀ անդամները, զանգվածային լրատվամիջոցների ներկայացուցիչներ։
Նիստում քննարկվեց նախաձեռնող խումբ և նախաձեռնող խմբի լիազոր ներկայացուցիչ գրանցելու մասին Վլադիմիր Պողոսյանի դիմումը։
ԱՀ կենտրոնական ընտրական հանձնաժողովի 2019թ. փետրվարի 18-ի հ. 2-Ն որոշմամբ հաստատված կարգի 2-րդ և 3-րդ կետերի պահանջներին համապատասխան՝ Կենտրոնական ընտրական հանձնաժողովը որոշեց բավարարել Վլադիմիր Պողոսյանի դիմումը՝ գրանցել քաղաքացիական նախաձեռնության կարգով Արցախի Հանրապետության Սահմանադրությունում փոփոխությունների նախագիծ ներկայացրած նախաձեռնող խմբին (բաղկացած 218 անդամներից) և որպես նախաձեռնող խմբի լիազոր ներկայացուցիչ՝ Վլադիմիր Պողոսյանին։
Սահմանադրության փոփոխությունների նախագիծը հանրաքվեի դնելու նախաձեռնության իրավունք ունեցող առնվազն 10278 (տասը հազար երկու հարյուր յոթանասունութ) քաղաքացիների ստորագրությունների հավաքման համար ամրագրված 45-օրյա ժամկետ է սահմանվել 2019թ. հունիսի 4-ից մինչև 2019թ. հուլիսի 18-ը ներառյալ։