[ARM]     [RUS]     [ENG]

Արցախում ժողովրդագրության ռազմավարության մշակման ուղղությամբ գործուն քայլեր են ձեռնարկվում

 

Ժողովրդագրության ռազմավարության մշակման, ժողովրդագրական նոր քաղաքականություն որդեգրելու նպատակով, Արցախում իրականացվող աշխատանքների արդյունավետությունը բարձրացնելու համար, ԱՀ սոցիալական զարգացման և միգրացիայի նախարար Արմինե Պետրոսյանի հրավերով, ՀՀ-ից ժամանած աշխատանքային խմբի հետ այսօր տեղի է ունեցել քննարկում՝ ուղղված փորձի փոխանակմանը, ծրագրերի կիրառման տեղայնացման հնարավորություններին:
Հայաստանից ժամանած մասնագետները ներկայացրել են այդ համատեքստում իրենց կողմից կատարված աշխատանքները, ընդգծել ռազմավարության անհրաժեշտությունը, նախանշել դրանց հավանական արդյունքները:
Քննարկման մասնակիցները հայաստանյան գործընկերներին են ուղղել հարցի առնչությամբ իրենց հարցադրումները, ծրագրի վերաբերյալ կիսվել տպավորություններով:
ԱՀ ՍԶՄ նախարար Արմինե Պետրոսյանն իր խոսքում առաջնային և կարևոր է համարել ժողովրդագրության ռազմավարության մշակումը, որի ուղղությամբ Արցախում արդեն իսկ գործուն քայլեր են ձեռնարկվում:
 
Արցախի Հանրապետության սոցիալական զարգացման եւ միգրացիայի նախարարություն