Items filtered by date: Հինգշաբթի, 29 Օգոստոսի 2013

ԼՂՀ  անկախության հռչակման 6-րդ  տարեդարձի կապակցությամբ 1997 թ. հուլիսի  15-ին մեկնարկած քանդակագործների և  գեղանկարիչների ՙԱրցախ-97՚ սիմպոզիումին մասնակցում էր նաև մեր հայրենակից,  ՀՀ ժողովրդական նկարիչ, քանդակագործ,  Պետական մրցանակի դափնեկիր Սարգիս  Բաղդասարյանը։

1991թ.  մայիսից  թուրք  ազերիները Հադրութի շրջանի  հարավային  թևի 14 գյուղից  տեղահանեցին  ավելի  քան 2000 բնակիչ, հիմնահատակ  ավերեցին  680 տնտեսություն: Արփագետիկ  փոքր  գյուղում  սպանվեցին վերջին  7  բնակիչները: Շրջանի  հարավային  թևում  մնացին  միայն  Հին Թաղեր  և  Խծաբերդ  գյուղերը, որոնց  բնակիչները  տոկունություն  և  արիություն  ցուցաբերեցին, չլքեցին  գյուղը՝ չնայած ամենօրյա  հրետակոծություներին, ռմբակոծություններին: 

Էքսկուրսիաները դարձել են ուսումնական գործընթացի բաղկացուցիչ մաս: Դա ժամանցային և ուսուցանող նշանակություն ունի ոչ միայն դպրոցականների, այլև ուսուցիչների համար, ովքեր էլ հենց դրանք կազմակերպում են: Վերջին տարիներս հաճախ ենք ականատես լինում, որ Արցախի ուսուցիչները կոլեկտիվ  էքսկուրսիաներ են կազմակերպում դեպի  մայր Հայաստանի պատմամշակութային վայրեր` այդ այցելություններն անվանելով ուխտագնացություն:

Սեպտեմբերի 1-ին Արցախում՝ Շուշի քաղաքում, նշանակալից իրադարձություն կկատարվի՝ տեղի կունենա Անդրեյ  Բաբաևի (Բաբայան) ՙԱրծվաբերդ՚ օպերայի արցախյան առաջնախաղը։ Այն առաջին անգամ բեմադրվել է Երևանում՝ Ալեքսանդր Սպենդիարյանի անվան օպերայի և բալետի ակադեմիական թատրոնում 1957 թվականի նոյեմբերի 3-ին։ Առաջնախաղը դարձել է Անդրեյ Բաբաևի ստեղծագործության գագաթնակետը, քանի որ նա դեպի այն է գնացել իր ամբողջ կյանքում։