Սեպտեմբերի 13-ին Լեռնային Ղարաբաղի Հանրապետության իշխանությունների հետ ձեռք բերված պայմանավորվածության համաձայն` ԵԱՀԿ առաքելությունը Լեռնային Ղարաբաղի եւ Ադրբեջանի զինված ուժերի շփման գծի պլանային դիտարկում է անցկացնելու Ասկերանի ուղղությամբ:
Նախագահ Բակո Սահակյանը սեպտեմբերի 10-ին հրավիրել է ընդլայնված խորհրդակցություն` հանրապետության գործադիր, օրենսդիր եւ դատական մարմինների ներկայացուցիչների մասնակցությամբ:
Խորհրդակցության ընթացքում քննարկվել են հանրապետության ներքին կյանքին եւ սոցիալ-տնտեսական զարգացմանը վերաբերող մի շարք հարցեր:
Հանդիպմանը քննարկվել են հեռուստառադիոհաղորդակցության ոլորտի զարգացմանը, ինչպես նաեւ այդ բնագավառում Հայաստանի եւ Արցախի կարգավորիչ մարմինների համագործակցությանն առնչվող հարցեր:
