Ձին տարիքն առած, փորձված երիվար էր, բոլոր որձատների նման տխուր-տրտում աչքերով և հլու-հնազանդ կանգնել-սպասում էր, մինչև տերը կթամբեր: Ջահել տղամարդը ուշացումով նկատեց, որ ձին` ականջները խլշած, ուշադիր, մի տեսակ հարցական հետաքրքրությամբ (մարդու նման) նայում է իրեն, ասես ամբողջ կյանքում սպասել կամ առնվազն երբևէ տեսել է ինչ-որ տեղ ու հիմա ճգնում է վերհիշել: Այդ կպչուն հայացքում հեգնանքի նման մի բան կար ծվարած, և տղամարդը շուռ գալով փախցրեց աչքերը. իբր շրջապատն է դիտում հափշտակված, հիանում հայրենի եզերքի աշնանանախշ գույներով և իբր թե նույնիսկ չի նկատում ծեր յաբուի գոյությունը: Ձիու աչքում երևի թե նա շատ ծիծաղելի պիտի լիներ այդ պահին:
Ինչպես հայտնի է, ապրիլի 22-24-ը ՀՀ սփյուռքի նախարարության նախաձեռնությամբ Երևանում ՙՀայերենն իմ սրտում է՚ վերտառությամբ համահայկական երիտասարդական համաժողով էր կազմակերպվել, որին մասնակցում էին աշխարհի 30 երկիր ներկայացնող շուրջ 500 հայ երիտասարդներ: Արցախից համաժողովին մասնակցում էին հանրապետությունում գործող ՙՀայկի Սերունդ՚, ՙԱրցախի երիտասարդության զարգացման կենտրոն՚ (AYDC) ՙԱրցախյան միասնություն՚ և այլ երիտասարդական հասարակական կազմակերպությունների ներկայացուցիչներ՝ ԼՂՀ մշակույթի նախարար Ն. Աղաբալյանի գլխավորությամբ: Օրերս նրանք վերադարձան Երևանից և սիրով համաձայնեցին իրենց տպավորություններով կիսվել մեզ հետ: 
ՙՀայ համայնքը՝ հայ ուսանողությանը՚ հիմնադրամը բարեգործական ծրագրեր է իրականացնում կրթության, գիտության, մշակույթի և այլ բնագավառներում։ Հիմնադրամի առանցքային ծրագիրն անվանական կրթաթոշակների հատկացումն է Հայաստանի բարձրագույն ուսումնական հաստատությունների ուսանողներին։
Մայիսի 4-ին Շուշիի մշակույթի և երիտասարդության կենտրոնի ցուցասրահում տեղի ունեցավ դոկտոր Մարինե Մխիթարյանի ՙԻմ սիրտը լեռներում է՚ լուսանկարչական ցուցահանդեսի բացումը, որի կայացմանն աջակցել ԼՂՀ մշակույթի և երիտասարդության հարցերի նախարարությունը: